2011年6月30日星期四

Sam Sir Playgroup

學習

2011年6月30日下午12:42公開累積瀏覽 2671 2

早前去左Sam 既playgroup, 報告一下.

小兔錢箱排好隊準備迎接小朋友們... 訓練小朋友手指母指同食指既靈活度, 呢個係一歲番健康院必考.

運彩蛋遊戲. 先攞隻蛋, 跟住就行大石春路. 中石春係由唔同texture 既圓形膠
併成. 對小bb來講係一個挑戰呢!(行呢個石春路係剌激腳板, 係sensory 果類野,即係乜??即係玩完全聰明d 既野囉

)

行完後放彩蛋入雞盒(我當時諗: 好得人驚ar ... 雞食雞蛋

)

小兔和So Q至愛!捐山洞!

坐飛機小兔玩到大笑呢!!!!

Sam Sir有好多教具, 堆滿成個個教室,簡直係令人覺得多到會山泥傾瀉咁多! 佢話仲收埋好多係貨倉呢!!!

Congruent Development Center 身心靈全能發展中心

地區：佐敦

地址：佐敦德興街11-12號興富中心708室

電話：2232 0610

傳真：2861 0809

電郵：info@cdcentre.com.hk

綱址：http://www.cdcentre.com.hk

其實呢D 教媽媽同小BB 玩既PLAYGROUP 唔係上完一堂嘻嘻哈哈就算, 係要反覆同小朋友玩先有用..
eg入錢箱既道具就好簡單啦!
咁石春路呢?可以同bb 行盲人既粒粒路, 行草地, 行沙灘都可以呀!
爬可以收集d 大紙相.
至於飛機, 其實唔使玩到咁刺激, 去公園玩韆鞦就得嫁喇!
有唔少會書教呢d 小games 嫁!大家都可以参考下.

感覺統合全冊 http://www.books.com.tw/exep/prod/booksfile.php?item=0010390127

玩藝圖鑑：170種手創玩具完全指南第一次自己做玩具就OK！

http://www.books.com.tw/exep/prod/booksfile.php?item=0010460157

我既最愛7田既如何激發幼兒智力與才能.

http://www.books.com.tw/exep/prod/booksfile.php?item=0010120332

同埋最近睇緊既

五歲前的IQ大躍進：遊戲 + 飲食 + 環境 = IQ提升30

http://www.books.com.tw/exep/prod/booksfile.php?item=0010465697#intro

2011年6月26日星期日

Buy Me A Sunday：一個人的米蘭

Wyman 好文

2011年6月21日下午6:10公開累積瀏覽 118 0

在趙增熹還沒有成為人民甜心大眾湯圓的十幾年前，他比較多做唱片監製，我比較多寫詞，所以工作以外偶然我們也會談談心。記得有次講到放假，幾乎一離開校園便結婚產子的他說，當下最用得着的「理想假期」是：找幾天去任何一個地方，一班麻甩佬打打球，或者自己一個人行行山看看書。
那時沒有拍拖的我，這話其實沒有聽明白，這麼「簡單」的事情，居然要動用「許願」的口脗來發表？
卒之動用了超過 10年的時間，才讓我領悟出以下這句說了出來也許很多人會說得戚晒命甚至要喊打的話：幸福，有時也要放放假的。

放逐米蘭

要去佛羅倫斯工作，計劃行程時發現想同日抵埗的話，總是無法避開不喜歡的航空公司或不喜歡的機場，否則接駁時間就很不理想，不如把心一橫直飛 Milan，在那邊玩一天睡一夜才坐 Eurostar南下，無端端造就了趙增熹口中這徹徹底底的「一個人的旅行」。對，同行一個可以說話的人都沒有的那種，如果吃晚飯時不捉着侍應生狂打多幾句牙骱，返到酒店房就必定會發現自己原來成日都冇乜講過嘢所以有啲口臭那種！
才猛然醒起，我 30歲前去的原來以這種懶瀟灑有型的「一個人旅行」為主，我 30歲後，完全未試過，所以這 24小時在米蘭，又是擔心又是感激。

一個人住酒店　可以

我不怕鬼，也冇過度潔癖，所以多年東征西討，一個人住酒店也沒有問題，只怕那間酒店太好！
是啊，今次入住這酒店幾乎是我來米蘭的習慣，我記得多年前第一次在東京 check-in他們的房間時竟覺欷歔，美麗到欷歔：給我那麼好的房間有甚麼用呢？只得我自己高床軟枕又有何趣味呢？璀璨夜色十年後又能和誰講起呢？
當下便決定安安份份找個人安定下來，否則餘生便住中價房間算了。

一個人逛街　可以

一個人逛街我是很可以的，事實上除了拍拖，以前我是一直有點介意多於一個人逛街的，因為買衫試衫呢，我是不必問人意見也可以的，所以出埠時帶着「一抽人」逛街我反而會嫌拖慢了我的火併時速，不能盡用我寶貴的假期去睇睇睇買買買（除非身邊那個是愛人就無計啦！），直到 35歲後才發現逛得那麼急，慳埋慳埋的時間又愛嚟做乜？才有這樣的覺悟，明白到和朋友 shopping有時你等我有時我等你，互相爭取時間唞吓 hea吓也不失為一種養生之道。
又好像今次自己一個人在米蘭，你知道米蘭的購物區其實得一個「海港城」咁大，不過喺室外而已，我 12點開始行， 3點已行晒， 3點後冇嘢做便夾硬搵嘢買，見到條好靚嘅 Balenciaga白裙便停喺度對住半粒鐘，一定要諗到呢排有冇邊個 friend結婚可以要嚟做婚紗……結果都係冇。
如果有 friend喺度，我都去咗嘆茶啦！

一個人迷路　不可以

兩個人的話，連迷路都是節目，連迷路引到的吵架都是，至少吵吵罵罵之中時間過得快一點。
一個人的話，你知啦，蕩失路是要很專心的，因為要一邊找地址嗎，又不能一面分心發短訊呀上網呀才排遣寂寞，一面講長途電話又貴……
幸好找這間「 Dolce& Gabbana Spiga 2」時不用迷路，因為它就在所謂米蘭「購物區金三角」的大街大巷。
這城市能賣高檔貨品的就那幾畝土壤，當地的大名字如 Prada、 Gucci、 Dolce& Gabbana的「劃地遊戲」大概也玩得七七八八，店開得多到也不知再開甚麼才好，所以 Dolce& Gabbana去年年底便有此發財立品的新構思，撥出一個店面作 Multi-brand的買手店，專售他們覺得有趣有潛質的後起之秀作品，當然也混入自家設計陳設，但如果你嫌逛全世界的 D&G都一模一樣，這間可是唯一的例外。
地址？不就是 Via Spiga 2嗎？

一個人偷拍　不可以

自從開始寫作生涯以後，買相機的要求便大大不同，從此一定要 1.沒有鏡頭蓋， 2.小巧（可袋於褲袋）， 3.滅聲。因為要偷拍的 shop實在太多太多。像 Trussardi這個近兩三年「復活」的意大利牌子，不但因為他們的衣服有點被 under-rated了所以要特別介紹，最主要是，已經很少牌子的 shop是香港沒有的了，自然要專程去偷拍一下。
換了是平常的作法，我會有位同黨負責捉着售貨員問東問西的分散他們注意力，又或者叫他們深入貨倉找件衫的加大碼加細碼之類，但今天得我一個人，所以即使他們店裏也只有一位 sales，我也偷拍得相當不成功手震震。我後來其實沒有問趙增熹那種「一個人假期」結果有沒有放得成，放了的話又有沒有想像中開心。對我來說，這些「自己和自己獨處」的時光我也需要，但「一年一度」，「一次一天」就夠好，多一天也不用了，謝謝。

後記：一個人吃飯　可以？　不可以？

我當然喜歡有人陪着用膳，但一個人吃飯也無不可，今次獨自去旅行想實驗的反而是有關吃飯的另一樣東西。
拜網絡所賜，太多太多的人在上菜後要拍下照片，「微博先吃」「 Blog先吃」才可以起筷，否則全桌人都別動別動，我其實只想試試看，如果在餐廳裏，只得我一個人吃飯，拿出手機或相機來拍了照才開動，結果會不會沒有那麼惹起旁人側目。
答案是：一樣咁怪！

以上的媽媽全部都可以. 我最鍾意一個人去旅行, 識朋友. 2個人如同性別都易識, 一pair 人就無嫁喇!
其實一個人行街/ 去museum 係最最好!因為唔會分心錯過任何好野. 2個人以上, 一路行.一路傾, 又係度玩, 乜都睇唔到.行街都還好.. 去Museum 就死~~因為一個人行會drop notes , 畫下有趣既detail 抄下野. 停係度睇, 行前行後, 兜圈望. 但係多過一個人呢?就會好似行街咁.
我覺得一個人行街係最買到野. 因為我知自己要乜唔需要人地既意見呢!而且我既決定都好快!(如果唔係都唔可以極速行到咁多flea market同vintage shop, 行呢d 買野一定要好客觀同埋有遠見嫁!(好似好誇張)因為見到件野機會難逢, 但又要諗呢件野可襯度同埋未來會興嗎?齋買來儲又值唔值等問題.加上佢又多放得好似垃圾咁, 要好抽離現場咁諗同埋有時要幻想到, 佢洗玩無左個舊味同埋熨得好地地會點?
一個人迷路? 去旅行常常啦!有時會專登亂行tim!可以去到計劃以外既好玩地方!2,3,4個人迷路又點? 最後都係我睇地圖!人多先驚\
偷拍?一個人走得快d 喎!
一個人吃飯, 年紀較細時係唔得嫁!一個人食飯係係去旅行時練番來!一個人食飯/坐車係最有可能被靚仔過來搭訕既時間來嫁!enjoy~~~~hehe~~~~所以一個人食飯/坐車都要記得保持笑容, 女殺手咁!想人行過來都難!
睇完wyman 篇野攪到旅行癮起. 不過唔知幾時至可以去玩lu~~仲要係一個人.

2011年6月24日星期五

屋企附近的2nd hand 店---Microwave

美容, 購物

2011年6月24日下午7:24公開累積瀏覽 247 1

星期1買左3對鞋同5件衫. 話過今個月唔再買衫... 但係行過呢間係屋企附近既靚靚2手衫店都係買左一條scraf~(係2手店, 而唔係Vintage店, 我真係覺得2樣野係唔同嫁, 2 手係人地用過, vintage 係一d 值得收藏,手工靚有特式, 即係你會唔會叫譚財記做精品店先?)

紅紅藍藍又有d金邊正係我相要既!!!!!

位於大坑第一閣後面. 前身係美甲店, 2 手店貫徹2手風格, 稍加裝修就成為英倫風小店.

除左2nd hand , 佢仲有d 2nd hand remade itmes 不過佢放唔同其他尋寶店, 佢既貨唔多, 所以相對企理....
買下accessories 都ok.

G/F, 7 School St, Tai Hang, HK

其實婆婆屋企係有好多好靚既silk scraf, 不過媽媽嫁左啦嘛, 唔通番外家偷scraf咩!
婆婆仲有好多靚野, 話說上季興cape, 一問婆婆借佢果件黑色有帽包邊絨cape來著, 婆婆就係櫃底摷番出來, 跟住自己著

2011年6月23日星期四

Daily Dolly

美容, 購物

2011年6月23日上午1:00公開累積瀏覽 2057 0

真係好多女人鍾意Chanel, 有錢既買Chanel ,無錢既Channel 都殺!!!!
時裝界真係好多Channel 嫁!
Delyle相信好多人都識啦!

如果大大隻寫住Delyle既扮Chanel 接受唔到,其實平平地買件低調扮Chanel Jacket 都唔錯嫁!

近日又一Channel 襲港!
呢個叫Daily Dolly

d accessories 都ok得意!d tee 都係4百幾平平地玩下都可以.
品牌現於尖沙咀LCX設有Pop-up專櫃，並計劃7月於尖沙咀廣東道設立首間專門店。Daily Dolly 產品亦於Pink Martini 銅鑼灣及中環店有售。

6月尾係LG55 SilverCord開專門店.( 行過門口佢有張野寫係6月26日完工)我諗佢7月都開啦!

呢間pop up store都好神出鬼沒,我睇過magazine 話係lcx, 我心目中既LCX咪係starbucks 果頭d精品店，　原來由一入mercibeaucoup 就係LCX?!
你睇呢張相又以為佢唔再係度, 佢呢個位係音響店門口ma!
最後昨日去.. 呢間野係cocktail 對面, 佢背住barbie accessories既Counter 仔, 不要expect 太多, 不如等佢正正經經開店去好過!
不過如果你都想去新開既 snidel 8下咁另計!

2011年6月20日星期一

Joceyln 媽媽送給小兔的生日禮物!

嬰兒用品

2011年6月20日上午12:43公開累積瀏覽 49 1

很好的生日禮物!係沖涼玩既貼貼!謝謝Joceyln 媽媽, 其實媽好耐以前都想同絨布做比小兔玩, 但係又懶.

可發揮創意, 當然小兔咁細未可以做到, 要貼啱眼耳口鼻既位置,都需要有D 空間感嫁!

唔緊要, 可以減低難度比小小提示!就係用我地塊面同小兔玩喇!

小嬰兒到圖書館不失禮

學習

2011年6月20日上午8:01公開累積瀏覽 77 0

(圖fr大公報)

好多媽媽都想同小bb 去圖但係怕影響到其他讀者.
其實注意一d 事項就可以, 小兔係5個月左右進入圖書館都不會大叫..

BB去圖書館前要食飽, 瞓飽
記得帶個奶咀
入去前比佢飲夠水至好入去
記得帶外套(圖書館通常好凍)
之前教BB咩叫細聲D . 呢個最重要!!

如何教小BB 細聲D ??(我是這樣教的)
係平時比較靜既環境, 當BB過度與奮可以細細聲係BB耳邊叫BB細聲d.
同時做sh 既動作. 如果佢都係叫, 左右望跟住話:你睇下人人都好靜, 你唔好大叫(keep 住鬼鼠聲, 但動作要誇張)
訓練成功後唔止可以去圖書館, 美術館都可以

2011年6月18日星期六

香港交通公具

嬰兒用品

2011年6月18日下午6:51公開累積瀏覽 73 0

Air bus A380 電車

巴士其他小車-

動物

以上玩具灣仔太源街有售. 香港交通公具像真度高,價廉物美.
提議玩車車前先行街介紹真既交通具. 玩具有小轆, 要有大人陪同至好玩.
波波筆筆, 和巴士 you tube片段---->
http://www.youtube.com/user/auhiuwan?feature=mhee#p/u/2/AQ5PjhbreyI

2011年6月16日星期四

自己食飯

學習

2011年6月16日上午12:16公開累積瀏覽 80 6

一開始我比碗有飯.. 佢幫我掟落地, 一地都係.. 我忍唔住大叫！(因為要抺餐死)但係我知係因為佢控制唔
到. 跟住我就只係比個吉碗+ spoon 佢.如是者2 week . 我有我餵, 佢有佢玩果set 野.. 佢一開始咪扮"畢" . 跟住佢又請我食.. 咁又一week. 我開始比2啖比hea 下, 佢 "畢"唔到嫁. 一week 後佢又"畢"少少到跟住請我食..

如是佢只係會請我食. 而佢自己呢? 係唔識放入自己個口, 由於係我餵佢, 佢跟我做咪佢餵番我.如果我捉住佢隻手放spoon 入佢口, 佢會嬲, 掟spoon . 所以.. 我係佢面前食粥.. 咁佢知,我都會用spoon 食野.又一個week

佢唔掟但唔係咁願. 我地開始比好野過佢食.. 就係食飯時比魚佢食, 齋魚. 餵佢食一啖, 知佢好鍾意食.. 佢求我比佢食, 我捉住佢手, 佢就識放入口. 咁又一個多week

最後佢都係"畢"得唔係咁好, 我就轉用呢個闊口兜.咁佢叫食到下, 但都會過界.我一次會比1/3碗咁多佢... 佢都食到8成入口嫁, 食完一兜我就餵番佢

上個月就係咁, 依嫁佢自己可以食到半餐.
http://www.youtube.com/watch?v=7-27I81_vkE
5月尾略有小成.
http://www.youtube.com/watch?v=BVNh33z_5C8
近日叻左

2011年6月15日星期三

家庭書

嬰兒用品

2011年6月15日下午6:40公開累積瀏覽 250 1

市面上好多識字咭教家庭.. 爸爸, 媽媽, 哥哥, 姐姐..
但以bb 咁細好難明白呢d 關係, 加上只係一d 公仔就算幼兒記得呢d 字仔義意都不大.
於是媽媽製作左家人稱呼書比小兔.

左邊係家人書, 右邊係早前公公生日影既相再製成相集.

20頁起, 可加頁數. 我將小兔最常見+最親既人都放係本書度.
小兔見到本書好興奮呢!所費既時間不多, 而且學習效果好, 各位都不妨做一本自己既家庭書!

我用呢間點點印做, 佢呢個叫故事本, 厚厚地無咁易爛ma!
http://www.tintint.com/product/info/storybook
平時係影樓影既相我用黑攝影mode (型d )
但教小朋友要清楚就用白攝影mode

2011年6月10日星期五

7彩書仔

嬰兒用品

2011年6月10日下午7:06公開累積瀏覽 242 0

我諗我家既玩具比起其他小朋友少呢!

係選擇玩具時會選不會發光同落電芯發聲係一個must.
最好係一物多種玩法.

1)首先有個盒, 玩個盒都好開心啦, 放下入去攞下出來!
2)書梗係用來睇啦!
佢size真係好好！細細地, 有時放bb係high chair 唔好咁易比佢撥落地, 帶出街又唔重.
3)一舊方型磚咁, 可以玩疊高.

4)就係可以用來認顏色.(配對) 可以攞住張紙叫bb 攞番本書來/ 到番轉都可以.

呢set 野係book castle 賣hkd16x?(利園果間書店)(三聯都好似有)
但係之前係bb 展果間野叫booklodge　賣hkd110
http://www.booklodge.com/
佢會係L書展有booth己問佢檔no. 係兒童天地 3B-A27
有呢d bb 書外其實呢間書店有一d 美國得獎既書賣而]佢主要業務係賣oxford learning tree 既書.
佢既web site 唔係咁friendly個人覺得好難係佢個web 訂書, 所以都係書展見啦!

http://hk.myblog.yahoo.com/auhw2558/article?mid=774 <--- 早前bb展買既戰利品