2011年11月30日 星期三

台灣2011(Day2)

2011年11月30日下午7:36公開累積瀏覽 215 0

豐富既早餐, 呢度只係佢既1/4.有我最愛既粥(好多咸咸酸酸野加落去)同埋豆漿.
仲有腐乳. 好多菇菇.
其他都係平時酒店早
台灣好興食關東煮, 連早餐都有.
其他果d都係酒店早餐食開既野.


吟松閣係春天對落少少, 比較古舊都幾型, 但就較細間. 周圍都好有日本feel , 似去左日本鄉下咁~~






係山望落地熱谷..... 星期1 地熱谷同溫泉博物館都唔開, 下次真係要check 清楚...
不過係附近行下d 地方都靚同靜, 感覺舒服.

可以落去玩水, 但唔知係咪昨日, 同早上都有落雨比雨水溝淡左泉水...
d 水只係微溫.


















just sleep 酒店, 比我想像中好, 佢都新淨,裝修morden, 型到度門係用鐡造嫁~~~我地住左係轉角位, 佢度門仲要用鐡造, 我上網要開打門, 至收到WIFI!!!!


各位, 真係要小心果本橙色閃閃下既旅遊書仔. 佢教我地係台北車站食洪師父牛肉麵,個地址啱, 但係佢就mark 左係台北火車站地下街.
其實係另一區既地下街!!!另外佢有介紹春水堂既又係mark 錯..買蜂蜜蛋糕既南堂又係mark 錯, 同埋呢間野係難食過莎利蛋糕, 有幾難食我之後係講手信度再詳談.

食唔到洪師父就求其食一間, 呢間... 入左去食佢個頭盤就覺得好唔對路... 個麵... 唔係難食, 但一定唔係好食.

今日去3越買dr wu, 最想買果幾樣都話sold out ( 今日係3越周年慶最後一日, 很down ...) 去albion 呢? 要買既健康水又買唔到>0<
好在最後都買到我最想買同埋都有朋友托我買既dr wu 15片mask !!
http://blog.yahoo.com/beatrixchoi/articles/164284/index?bb=0
關於skin care 唔多講可以睇番以上既link

永遠人頭湧湧既豪大大... 夠熱又香口, 只不過2 個人食都嫌多...
話說天后都開左一間, 搵日都要探下佢.

之前係淡水食唔到好味既臭豆腐係士林食左3間都唔掂, 要數最最最過份,
我真情要用呃錢來形容佢, 就係由豪大大去停車場中間有間燒臭豆腐.. 佢唔係唔夠臭咁簡單,
佢只係一件普通豆腐,但係就話自己係臭豆腐








 






















 





 

2011年11月28日 星期一

天氣凍了, 保暖~~~~~

2011年11月28日上午8:30公開累積瀏覽 497 1

買bb 羊毛衫, 好多媽媽都知摩利(MORLEY)羊毛衫啦! 不過真係太貴啦!!!!一件成2百幾近3百!!! 買3 件咪要成千?!
係精明媽媽(KAITLYN媽媽)介紹下買左呢一隻Cambrass, Cambrass 係西班牙造, 質量都不錯, 而且只係賣3 百多有2 件.
永安早前sale 再30 % off 真係抵上加抵~
http://www.cambrass.net/


小兔夏天著阿嫲既長袍瞓覺, 但係冬天唔可以喇, 因為佢成日轉來轉去成日突隻腳仔出來.
完全包住隻腳佢又唔肯, 而且好多都貴得好緊要呢! 要HKD 3XX-4XX一個被袋, 一買3 個真係~~~~~~

某日行B&M 見到呢個睡袋仔, 只係賣HKD299
重點係佢真係好啱我既需要!






佢個底有2 隻腳仔位可以伸出來! 當事人真係好似瞓得好舒服咁喎.
除左B& M  玩具反斗城都有, b&M 好似唔係好多款, 搵日都去 玩具反斗城睇下先!






2011年11月26日 星期六

台北2011(day1)

2011年11月26日上午12:50公開累積瀏覽 356 0
好耐無出門, 今次去台北簡真就好似小學生主旅行咁開心, 之前仲係咁check 天氣,睇下會唔會落雨, 結果睇左係日日都唔好天


出發果日香港都好好天..good bye 了好天氣~~~~

天氣唔好, 加上本來想買既power shot s100 要12 月中至到香港, 只係帶住一部影得唔係咁靚既機仔去only ~~~


點解要係香港機場食魚蛋枌?點解有得去玩個樣都咁無奈? 因為媽媽睇錯左時間, 走左飛機要係機場坐多2hr + 比多hkd600/ person !
hk1200夠我呢個trip  upgrade 住好好既地方喇~~~

 

睇呢架飛機既樣似係度好耐? 真係好得意, 之不過之前自己無小朋友, 完全無留意過佢既存在!
相信小兔見到一定玩得好開心.(未上機己掛住小兔)



台灣機1個多hr 就到, 派一杯橙汁+一個熱雞包.









下雨~~~ 心情同天氣一樣灰!!!!

台灣好多讓座既海報, 而且佢地有需要座位係成個紅色, 佢地叫博愛座,個個車廂都有,
而國民教育都好好,人地唔係有需要人事就算其他位坐滿都唔會坐博愛座嫁.
唔似得香港MTR, 唔係個個車廂都有有需要人士座位, 仲要呢D位長期比人坐住, 仲要座係度扮瞓覺, 打機. 阿婆大肚婆行入來都唔讓, 升降電梯呢,有手有腳健步如飛既成人係度同阿婆阿伯爭車位座, 尤其係天后特別多呢D 心靈傷殘人士.因為個車立係一入閘既位,



















由北投開到新北投既觀光車. 個個車廂都有不用主題

(左)扮畫其實會動既, 好似早前既清明上河圖咁.. (不過其實清明上河圖都係抄人地韓國3 年前係ART FAIR 已見過)
(右)一個木桶上有SCREEN 比你玩GAMES.


中伏, 係新北投山下一間24HR 食店求其食, 食左(左)橡皮魷魚, 同埋無香味大腸)



房間唔係春天酒店既賣點.....


廁所個浴缸至係~~,浸溫泉好開心ar. 不過要先加d熱水暖左個缸先. 放左d 水再加, 如果唔係唔夠熱呢!


落大雨ar !!!!


晚上去左淡水..... 係街口有間豬肉腸, d大蒜唔係加係腸入面, 而係自己攞大蒜加入自己個口, 多少隨意.
真係好味呢~


巨型魷魚腳~~


多款芝士薯仔粟米煙肉雜菜.. 本來係好食, 唔知係咪落雨唔好生意... 佢只係微暖.. oh no ~


淡水有好多懷舊兒童玩具+ 零食店, 媽媽買左個小鼓比小兔做手信, 因為小兔鍾意火龍, 同咚咚鼓.

 
賣peter rabbit 既一間店, 買左隻杯仔, 同埋可以重複貼既掛鈎比小兔~

彼得小屋
地址:淡水中正路222號
周1-5 12:00-21:30 周未(10:00開店)


呢間大腸真係不能錯過! 好香腸味, 個汁都做得好好吃ar !!!!

 
有特色既土耳其冰淇淋 , 會整古人, 絕對係影相既景點... 不過以土耳其雪糕來計, 佢唔算係好好食.


中伏again !!! 上次來台灣覺得好好食既野, 呢間真係好利害,整得好難食! 佢個菠蘿味同士多卑利味砥糕真係絕對人工味,
完全搶曬d 花生味, 個阿姐有能本事將d 莞茜包曬係底,攪到我食到最後至有.勁! 係勁難食!!!!




係街頭有一條小橫街有一間係好好味既臭豆腐, 上次食完難忘到要再來既今日無開.. 求其食一間,結果係唔好食.
乳酪豬排.. 不過不失,不過d 乳酪沉底, 食到最後至有.