2012年2月27日 星期一

simply love party用品專門店

 
2012年2月27日下午3:58公開累積瀏覽 1100 1

媽媽諗緊今年好唔好同小咕攪生日會呢?
正當仲係得個諗字既時候比我到simply love 呢個web site .

http://www.simplylove.com.hk/ 
等小兔好番d , 去睇睇~


shop Address:
7A Ho Lee Commercial Building
38 D'Aguilar Street
Central, Hong Kong

Tel:    (852)  2810 6223
Fax:   (852) 2810 6081

Opening Hours:
Monday to Saturday:  10:00am - 7:00pm
Sunday:  12:00pm - 6:00pm

*Closed on Public Holidays*
有媽媽最愛冷門sponge bob
平時d地方只係有senrio, 同埋disney.
呢度有nick 既卡通公仔賣喎 ^^
400+ styles 乜都有!
媽媽想靚, 但係買d佈置回來之後又唔知放係邊,丟又唔係, 唔丟之後又唔知等到幾時再用.
但買波波呢... hehe (可能你覺得我唔環保)
但係開完party 後, 隨住波波漏氣我地就可以同d佈置無痛分手。。 

小畫家

2012年2月27日下午6:56公開累積瀏覽 113 0
睇好多書都話唔好咁早教小朋友揸筆,因為小肌肉未ready , 太早學寫字會寫壞手...
媽媽從未教佢寫字, 但係可能細個時多用揹帶同小兔出街, 填下表, 去下銀行, 或者係咁樣學識左揸筆?
佢有文有路嫁.

早係一歲時 joceyln媽媽送左小小神奇畫板比小兔, 有時出街真係救到我地嫁, 有呢樣又輕便,又唔會玩厭既玩具, 小兔就會坐係度唔攪事.
後來阿爺見到我地既小畫板, 佢又買左個放係佢度, 小兔上去都會玩.

近來小兔會亂畫到畫到d野出來。 
唔係媽媽思覺失調, 以下既畫係小兔畫完好開心咁攞比媽媽睇, 再話比媽媽知佢畫緊d 乜。 



開估...
1, 係馬騮
2.草


媽媽畫既.

2012年2月23日 星期四

吸藥

2012年2月23日下午11:23公開累積瀏覽 83 0

呢隻咁可愛既熊仔就係吸藥器既吉祥物....
第一次吸藥小兔驚到大喊呀!E生話吸藥比食藥既量少20倍, 但效用係食藥5 倍.
聽起來好好喎.
而媽媽眼見係.... 吸完藥既小兔面青口唇白... 眼都張唔開... (雖然佢隻眼皮勁左, 隻眼圓左), 但咁樣個樣仲可憐!

噴完藥小兔變左相中2個小朋友咁既面色!!!
(呢套戲叫The Others.
想知呢2 個小朋友攪乜... 可以睇下呢套戲.
都幾好睇. )


e 生叫到媽媽又唔敢唔噴喎. 而一開左個course 就要噴一段時間.,支野有成12x劑.
1次2劑, 1曰2次... 一個月..
但e 生話要玩3 個月.....

係呢個時候契爺出來了... 帶左小兔睇e生。。。 現在已好番 7788 , 日間間唔中1-2聲, 晚上都係1-2聲...
佢話唔好吸果d, 一開始用就會依賴, 好難甩...
而且..... 長期吸會影響個腦~~

其實就算佢唔講媽媽都覺得唔對路.... 因為噴完個樣好似長期缺氧咁.......
面青左大半日.
之但係如果無辦法之下既都要噴啦. 咳到痴肺小兔唔食唔飲死得仲快.....
不過好在依嫁只係有驚無險... 但以後都要小心啦.... 唔係次次都咁好彩~~



2012年2月21日 星期二

鱷魚肉湯



2012年2月21日下午11:33公開累積瀏覽 289 2
唔好以為我寫blog教煲湯咁威, 你可以話我係幸福/ 可以話我無用..
自結婚咁耐我都係無乜點煲湯既. 99 一星期煲2 次湯比我地飲, 仲有糖水(我99 叫糖水, 其實果d係涼茶)係佢度飲都唔夠, 仲有d 比我地帶番屋企.
番我媽媽度又有湯飲. 去契爺度又係又食又拎! 所以我地屋企左痴右痴係唔使煲湯, 因為根本飲都飲唔曬(我諗睇到呢段野有好多人想打我)

之但係今次契爺話長貧難顧, 要好似樂施會咁, 助人自助. 要媽媽學煲湯....
話要媽媽自已來其實契爺都對媽媽好好既, 出曬料, 教曬step . 媽媽只係出力。 

出呢個post 既目的係要for失憶既媽媽記低點做。。。。
 
















開熱水浸果皮, 然後刮左果皮d 白色(即係果肉同果皮之間果d e, 99 話果皮之痰, 但係果d 白色係惹痰嫁)












先幫鶕鴣剝皮, 跟住去左d肥膏同埋內臟. 洗乾淨隻野...


加薑同蔥掟鱷魚肉片去拖拖水去鯹味. 撈番上水.
再掟鶕鴣落水拖一拖,再水凍水沖下,去肥防止 浮泡.































略洗川貝同石斛 (川貝唔可以製過, 要買靚既, 如果唔係要落多D至有效, 之但係落得多湯會苦)


將材料放入碗, 水一定要浸過所有料, 閂蓋.
浸唔過就將隻野斬件











個wok 加水放蒸架, 再放隻碗. 閂wok 蓋.
30min 睇一次火, 燉2hr30 min , 不過過3hr 否則燥火.










完成... 湯最好一日內飲完佢唔好過夜, 早上煲下午飲
傍晚再encore . 小兔話甜甜點喎..
(佢一向都係湯怪來.)

各位有錯請指正, 事關我都係on 居居
仲同另一位媽媽傾我話係鵪鶉... 果位媽媽話鵲鴣好d 喎.
跟住一問.. 原來我呢隻係鵲鴣來, 所以... 我真係唔係咁靠得住呢~~

2012年2月20日 星期一

哮喘~



2012年2月20日下午4:04公開累積瀏覽 145 3
真係慘... 比契爺批中.... 小兔出世時媽媽係全身麻醉, 所以契爺係比媽媽先見小兔.
契爺一見我, (我仲未見小兔)佢已叫我有心理準備小兔既氣管唔係咁好.

一直小兔都好地地既, 而契爺一直都好緊張, 一大風少少就叫媽媽同小兔圍頸巾啦, 唔好凍親條頸呀!
由出世到依嫁都唔覺得小兔氣管有咩唔好. 之但係今次病就知咩事-----E生話小兔哮喘~~

原本我地好地地番完學就一齊去飲茶, 興祝MANDY ee 生日(之前果晚有少少咳)


果日中午己經唔肯食飯, 媽媽以為小兔唔乖,想食包包唔食媽媽飯. 點知番到屋企, 面紅紅一check 真係發燒呢!!!


發燒都唔止, 仲要狂咳. 晚飯又唔食, 只係肯飲奶.
半夜食左退燒藥過左成1 hr 都唔退橈, 嚇到半夜帶左小兔過養和睇e生.

果個e生話小兔無乜事可以dismiss 番屋企.
(見佢有講野, 仲講咁多野喎, 但係小兔己比平時講少左好多+ 無平時咁有組織力, 媽媽已覺不妙)

第2 日馬上睇番由出世開始睇開既胡e生.
胡e生話情況唔係咁好, 依嫁比e 藥食住先, 如唔好轉就要馬上入院!
e生話d藥要用yougurt送. 當時心諗病仲食yougurt??就咁餵咪得囉.





當收到d藥時就知咩事~~
多到.... 估唔到要食咁多! 平時都係1-3種藥, 今次好似cocktail 咁!

不過小兔都好乖不用+yougurt 都食完d藥。 

小兔番到屋企都係唔食飯因為,條氣chock 住chock 住。
於是唔肯瞓覺, 就算好攰都堅持唔瞓

食乜嘔乜。  






 



















我地打算來緊呢2 個week都閉關嫁喇~~
小朋友係呢個時候就自製遊樂場......
小兔瞓覺又咳, 又會嘔, 於是同媽媽瞓大人床,而爸爸就去左做廳長....
梳化既背靠拉左出來由於有小小弧度 , 小兔坐左上去話坐小船,係咁搖.
無嫁喇, 係呢個時候佢想點就點啦....


轉個頭奶枕又當水泡, 話游水. 全程呢個人都係眼瞓到傻,
開得半隻眼.
一叫佢瞓又發皮氣~~











 
















唔食飯只食包...

仲要 食大人既包.(爸爸買左d pert 包番來, 因為媽媽同爸爸都瞓唔到無乜精神煮飯喇!)
但係小兔仔點可以食大人包呢?? 於是媽媽就偽裝左一pack大人包出來.
用yougurt +雞肉+熟蕃茄+南瓜夾包包, 再放入pret個盒度。。。 成功呃左佢食!
星期日爸爸出街買日用品。。。。 
佢話買左樣神奇產品回來...
猴棗末... oh no~~ HKD1080/6支
Jocelyn 媽媽買平好好好多喎~
最後食完真係好好多, 起碼有覺好瞓先啦.
一覺瞓天光.













最後e生話係哮喘. 要索氣.
問起罪來當然係媽媽照顧不力啦!唉~
今日契爺仆到來煲湯比小兔飲. (佢話心痛死了)
星期3再同佢 去睇中醫.

但咳到死死下瞓覺都係有少少舒緩方法既....

契爺小tips:用大大pat薄荷膏加一匙水 mix埋佢, 再用e mixture索係條扭乾既毛巾度
抺佢個喉嚨氣管位, 都有少少效果, 但只能止 一時既咳.
係晚上真係瞓唔到用, 都係要睇e生嫁.

2012年2月16日 星期四

過早催谷 不利幼童 負面影響男多於女 或輸在終點站?! apple daily + 我老爺的忠告~



2012年2月16日下午12:39公開累積瀏覽 113 2
教院調查
【本報訊】贏在起跑線,可能輸在終點站。調查發現,為加強報讀名牌小 學的競爭力,七成多幼稚園學童都有報讀各類課外興趣班,最熱門的是英話班。其中有 5%的 3至 5歲的幼童更參加了五個或以上的興趣班,每月最多花費 10,000元以上。教育學者警告,過早催谷對幼童日後發展有不利影響,其中對男童的負面影響比女童更大。記者:麥志榮
教育學院兒童研究與創新中心在上月訪問 了本港 20間幼稚園共 1,260名家長,調查幼童參加課外興趣班的情況,當中 53%為男童, 47%為女童。調查結果顯示,只有 23%的幼童沒有報讀興趣班。其餘約五成參加了一至二個興趣班,兩成多參加三至四個,有 5%更報讀了五個或以上。

較少報讀體能活動班

雖然逾六成受訪家長表示,為子女報讀課外興趣班的原因是「幼兒的興趣」,五成多家長最注重幼兒的體能與健康。但最熱門的興趣班是英語班,近一半幼童報讀。其次是繪畫班,佔四成。而第三位是舞蹈和音樂,各佔兩成半。只有一成半家長會為子女報讀有關體能發展的活動班。
家 長為子女報讀興趣班花費不菲,八成多家長每月開支由少於 500至 2,000元不等。有一成半家長每月開支 3,000至 4,000元。 2%開支達 5,000元 10,000元, 1%更在 10,000元以上。調查又顯示,學童的年級越高,報讀興趣班的數目越多。而家庭收入及教育水平越高的家長,傾向為幼兒安排越多的興趣班。
教院幼 兒教育學系講師劉怡虹認為,家長過早催谷子女的現象並不健康,英國有研究發現,參加太多的興趣班對幼童日後的發展可能不利,其中對男童的負面影響比女童更 大。幼兒處於學習的初階,家長應提供不同的機會讓孩子從遊戲中學習,多些親子活動,「或者喺公園玩泥沙」,更有助促進兒童的全面發展。家長為了子女贏在起 跑線,卻可能會輸在終點站。

apple daily 既新聞, 係昨日62 比我睇..
首先... 我地唔係只上palygroup唔戶外活動既小朋友。 我地有去公園, 有去沙灘, 仲有同朋友仔玩.
其次係呢篇野其實係想講小朋友要多d戶外活動, 定係上playgroup要上體能活動既??
根本呢篇野都好有問題啦?係咁比數話上左幾多, 用左幾錢, 講唔出上plagroup 對小朋友有咩不良影響, 同埋有咩証明有影響.
我依嫁只係知... 我62 唔滿意小兔番學囉..... 
點解唔去唔滿意d人一日放個仔係屋企唔同佢出街去公園唔公曬太陽呼吸新鮮空氣?
點解唔去唔滿意3歲都唔自己食飯. 揀飲擇食?!
唔開心~~~~