Progress 惠氏....

• 
  

 

2012年6月28日下午7:13公開累積瀏覽 264 1

有媽媽朋友打到去雀巢問喎...... (好好彩!打到去)
答佢話牛奶一定有反式脂肪，舊裝成份分別係1號0.8gm, 2號0.7gm, 3號0gm, 但標示0gm唔代表無反式脂肪，只係低過0.1gm可以show 0gm, 而新裝就1-3號劃一為0.6gm。上網揾過資料，肉類同乳製品都會含小量天然反式脂肪，咁其他奶粉應該都有小量反式脂肪.
ok 1號0.8gm, 2號0.7gm, 少左少少少, 但3號突然少過0.1 gm. 我無罐係手, 唔係係咪真啦.
但係我在手既一罐 3 號舊係無寫有反式脂肪, 新係係0.6mg, 咁點解轉新會比舊既多左6倍呢?
新裝所謂up grade 既成份係一d 對小朋友無好處既反式脂肪呢?

問左e生, e生話呢個0.6mg可接受, 但係我又問e生, 如果有得簡無既點解要接受喎.
e生話如果認真既可諗progress 係惠氏出品, 同s26 一樣. 有做研究各樣一信得過.

食埋呢罐就轉了...

• Progress,
• 惠氏

能恩轉新裝

• 育兒,
• 健康, ,醫藥

 

2012年6月25日下午5:36公開累積瀏覽 864 0

無餵人奶後一直都飲能恩, 能恩係出世時醫生推介, 但一向都好怕沖奶粉,
能恩奶粉既質地就好似好立克咁, 大家諗下去茶餐廳飲好立克, D人沖得唔好咪一舊舊, 能恩就好似咁.
見到朋友沖BEANS TALK, 人地D奶粉好乾身,好快溶好開心嫁!
新裝能恩質地同BEANS TALK 一樣咁乾身,好快溶, 同埋唔使用咁熱水沖, 之前要用較熱既水沖, 沖完又要再放係水喉沖番凍D個樽先飲得......煩到死...
不過新既金裝能恩少左一百克... (本來係900G 依嫁得番800G)

再睇新既唔知攪乜營養成份完全唔同左.... 仲有反式脂肪?! 攪乜呀.

• 能恩

快快手手搽d野－－Dr Ci: Labo

• 美容, 購物

2012年6月21日下午7:51公開累積瀏覽 501 2

好眼瞓呀! 眼瞓到唔想搽野... 但係又唔夠膽, 同時又有好多野唔敢搽~~~

於是買左dr ci labo 囉~ 5 合日ma , 又話唔使搽toner , 又唔使搽精華素. 同埋佢講明連小朋友都可以搽, 大肚婆當然可以.

最後我都買左佢有支野類似精華素, 但係可以mix 埋d gel 一次過搽, 可以慳時間.
其實最好就係佢支gel 係唧唧裝, 唔用再攞支棒了出來, 上完一層又一層，　仲可以搽埋眼同頸....平時要搽10min ( 要等佢吸嫁ma )，　依嫁1min 搞掂!!!
好唔好?好過無囉。。。。　
其實加番toner 會好好多.


買夠2千送支瘦面美容棒,於是買左2盒mask . 效果一般....
不過呢隻野好少counter , 銅鑼灣lcx 成間執左, 中環MTR間店又無埋,香港島要去到吉之島先有.
呢隻野好在價錢平,而且有日本朋友推介嫁. (佢話又平又靚抵用, 當然係日本又平D啦.)

• Dr Ci Labo

檢舉這篇POST

咕b 的妹妹咕c ....

• 育兒

 

2012年6月4日下午1:19公開累積瀏覽 210 3

小兔係咕b, 妹妹就係咕c ....
e生話比小兔知媽媽有bb , 唔可以抱你.

小兔以為任何時間都不可以抱... 唔開心.
成日係度話媽媽有bb 唔可以抱.
媽媽話佢知坐係度可以抱, 行同係街企係度唔可以抱.
咁佢就開心番喇!

呢樣野小兔真係抵讚,自從e生同佢訓話後無再叫過媽媽抱佢. 就連係車瞓著左, 一落車都肯馬上自己行.
因為媽媽話過比佢知, 唔可以抱佢, 但係好想同佢出街玩. 所以叫小兔要合作, 唔可以係街扭媽媽.

本來死都唔比爸爸抱, 唔要爸爸既小兔,依嫁同爸爸成為好朋友, 馬死當然唔落地行住, 睇下搵唔搵到隻駱駝/ 驢騎下先.

• 妹妹咕c

拕b 苦與樂

• 美食~

2012年6月4日下午2:41公開累積瀏覽 165 2

無得去美國lu ~~~費事啦, 比人以為我偷渡去生仔問長問短... 又要過x光機..
好在朋友你去加拿大結婚, 再去美國玩. 如果係你原先話既先去英國再去南法, 我會喊死!!!

再見了..... 旅行... 不過我有同兔爸傾過, 生完呢個小兔咕c , 就唔再生喇.
等佢戒左奶我同爸爸去轉日本先.

今次呢個好辛苦, 因為無乜胃口, 食唔到野, 但係我好肚餓, 所以成日見暈.....
好多野都覺得好難食... eg 人人都話好好味既拉麵我只係食到1/3碗, 仲要覺得難食.....

其實我呢排好多野想同大家講嫁, 不過費事講d唔講d,到依嫁隱定左先一次過講啦.

樂就係, 小兔對bb 好好, 成日鍚媽媽個肚. 仲話要學沖奶比bb 飲.
媽媽一換衫見到媽媽個肚就好冧咁叫, bb 呀bb.
但係對住阿嫲就更曳咩都大叫左先, 同喊左先. 阿嫲又由佢, 睇來我要睇緊ｄ小兔,同埋叫爸爸出warning 比阿嫲先得

檢舉這篇POST

12月龍b啊

• 懷孕

 

2012年6月4日下午3:36公開累積瀏覽 1321 2

真係好可怕, 傳2013 年截雙非, 又好多人貪生個龍b, 勁勁多人爭,乜都爭餐死.
其實無plan生龍b,如果唔係都唔會承人過美國做佢既超齡伴娘啦!
不過要補充, 我地都有打算生多一個小朋友既.
4week已知自己bingo 去睇睇開既方幸生醫生. 姑娘講到一定有位生咁.
但過多2 個week 話養和full 左?! 4week仲要係月頭都full ?!咩人可以係養和生呀咁?!

只有st paul有位, 媽媽都諗住算啦, 方醫生同媽媽經歷咁多風風雨雨.. st paul 就st paul啦.

咁作為消費者都要去了解下st paul 既. 去到發現, 佢既大房雖然比養和少人, st paul 一房3-4人, 養和6人
, 但係st paul 真係預到好盡,房好爆,(近日去過養和, 就算係龍年都唔算好爆,無住滿, 其實6人房好時只住4人/更少)
而且st paul 既房第一很細, 唔好同養和比. 比公立更少, 更密,仲要係好多大6 人. 走廊只有2 呎. 有人探只可出走廊, 唔可以係入面, 同埋全部房都係黑房!
去 睇半私家,佢既2 日房半私家只係等於養和既大房size 同環璄, 有隻大窗... 本來媽媽都打算up grade 半私家睇番方醫生. 但原來只有私家房至可以帶bb 出bb房!!!(但係我地只係普通人家未豪到住私家房,正如公公金句, 比實比得起, 爭在捨得咩?!公公, 今次我答你, 我唔捨得呀!!!!
bb 出唔到來咁咁大隻窗做乜呢?!加上一日爸爸只可以有一個特定既section 睇bb一小時...
12月正正係爸爸公司既peak season, 爸爸只可以左攝右攝睇bb，　講唔埋咩時間得閒, 如果一日只係特定時間睇bb 即係頭果幾 爸爸都唔會見到bb～～
爸爸一聽到顛左~
(蓑和大房同ST PAUL大房我諗埋單爭幾千蚊啦,ST PAUL 半私家和養和大房爭2萬多)

唯有同方醫生分手.... 其他醫生生位咩咁?!有....睇註院囉~
睇第一個註院話如果第一胎唔係佢開既, 第2 胎佢唔會接順產.
但 係媽媽真係唔想下下開刀, (上一次小兔都係因為心跳跌至開刀), 開刀仲要方醫生去左旅行, 係代佢既黃守惠瑜醫生, 好在既係黃醫生手勢好, 係出名唔痛既開刀醫生, 手工又好. 另一個媽媽佢一家上下生b 都係睇佢. 我只係陰陰痛遮, 我聽有人話睇其化醫生開完刀, 痛到死, 痛到喊呀!!!
開刀果下好自在, 之後都唔係算好痛, 但係果隻少少既痛, 真係好煩, 同埋其實人地就唔會就住就全, 可能我驚青就成日住, 烏住行, 見到人地順產,第2 日健步如飛,可以走去餵奶, 好快又可修身做運動真係好. 加上上有小兔,我當然想快d好番啦！
於是又轉醫生。。。　最後睇林思穎醫生 .search 到林醫生人好, 細心手勢亦好.. 希望唔使開刀啦.
今日睇過一次林醫生都好人同細心,唔似果d開口埋口叫人開刀既醫生....
不過講明左, 開過刀既不可用催生針...
小兔早左2星期出世, 咕c唔會過期既, 少左因過期而催生既因素先, 但願過程順利, 不要太慢否則不能催生, 就要開刀喇
想信7田既我, (上胎有跟住7田胎教做, 覺得好work )今次會加強催眠自己同咕c , 順產順產,乖乖地. 順產.......

大B 細B

• 學習,
• 育兒

2012年6月4日下午5:55公開累積瀏覽 420 2

係喇, 12 月BB , 開始傾, 做大B 定細B .......
其實到我地決定嗎?
第1 間間學校截數日期不同,
第2 有D 有鹹淡水分界期, 即係可以玩2 次報2次, 之但係人地口話比你你玩2 次其實又係咪真係受你玩先??
有好多家長就話情願做大B .

你話想人地做大B ...... 個細既都未出世, 你又知?
我只可以話.. 我會盡力教. 如果小朋友進度許可, 我會報2次, 如果進度唔許可就等佢大少少至try, 得唔得係個小朋友話你知, 而唔係你大人決定.
教小朋友從來係, 佢做得到我地就move on , 未做到就諗下點樣加強,佢果方面, 唔係要逼, 但要諗方法.
一個人無可能樣樣都叻, 但係有d基本野一定要meet 到, eg 自理能力, 基本價值觀, 分別是非等, 呢d一定一定要扮清楚. 教得好.
其次就係邏輯思考. 至於你話材能呢d真係人人唔同.

提供足夠養份, 環境讓佢飛得更高更遠. 就係父母該做的事.

小故事...
我老公都係一個細仔, 10月最尾果日.
讀書有比學校拒諸門外.. 佢起初入唔到同佢哥哥同一間小學, 讀左第2 間, 過左一年佢媽媽攞住第2 間學校既成績叫問校長收唔收佢(全級第1)
校長話收, 不過要REPEAT, 人仔細細既佢回答係, 要留班我唔讀!
校長於是比張卷過佢做, 做完就咁收左佢第2 年級, 無留佢班 之後佢係哥哥呢間學校讀到中學畢業, 成績都keep 住好好.
聽完我99講既故仔(當時人完全唔記得左la 喎), 令我明白, 唔只要教d 小朋友讀書識字, 仲要教下佢地tough D  同埋係適當時侯同人bargain.

檢舉這篇POST

24m

• 育兒,
• 小兔成長記錄

 

2012年6月3日下午4:48公開累積瀏覽 69 1

2歲啦! 24 m 後我地係咪用2歲1個月而唔係25m呢?

今日小兔買麵包...
佢同賣麵包個姐姐講:個麵包袋唔同左喎.
姐姐: 係呀我地轉左新呀.

開始填詞
祝你生日快樂曲
飲啦飲啦飲啦飲啦,
齊齊飲啦飲啦....

開始變成林敏聰.
作曲作詞.
同講爛gag
去完歐洲我地去長洲啦.

24m

• 育兒,
• 小兔成長記錄

 

2012年6月3日下午4:48公開累積瀏覽 72 1

2歲啦! 24 m 後我地係咪用2歲1個月而唔係25m呢?

今日小兔買麵包...
佢同賣麵包個姐姐講:個麵包袋唔同左喎.
姐姐: 係呀我地轉左新呀.

開始填詞
祝你生日快樂曲
飲啦飲啦飲啦飲啦,
齊齊飲啦飲啦....

開始變成林敏聰.
作曲作詞.
同講爛gag
去完歐洲我地去長洲啦.