小兔，媽媽和爸爸的生活: 1月 2013

2013年1月28日星期一

古裝女孩....

嬰兒用品

古裝女孩.....

2013年1月28日上午10:30公開累積瀏覽 338 1

左邊件褸我第一眼已被佢深深吸引。係韓國衫但在日本web.賣HKD1xxx!
於是search韓國webhkd$8xx仲要唔識買。再去淘寶rmb3xx到6xx仲要好可能買垃圾回來。
香港web hkd 700可信識買，但小朋友衫轉個頭就唔啱著,唔算平所以都無買。依嫁減價+有阿妹可著多轉至捨得買咋！
我覺得小兔都幾襯碎花口Y!

當然model 著仲靚啦!
http://www.amber-shop.co.kr/
韓國web
http://www.amber-hk.com/index.php?route=common/home
香港web

不過香港呢個係online家庭生意, 有少少亂...
打算同朋友夾埋order (夠hkd800 免運費, 朋友可能唔夠hkd800)怛我地就.
佢話on sale唔留貨, 咁都合理, 於是我比左錢先叫佢唔好寄比我等我朋友買埋一次過送貨.
點知佢就送左貨. 夠hkd800 免運費又收左我hkd30蚊...(咁打比佢佢都話會退番比我)
但係就覺得佢唔係咁organize 囉......

amber kids

2個月

小豬賢成長記錄

2013年1月28日下午7:25公開累積瀏覽 52 0

有一個晚上小豬賢用低沉既聲音叫左聲喂!嚇死我!

之後佢成日失雞無神都會喂下囉~~~~

爸爸要佢叫奶奶...
佢當然叫唔到, 但有試,發下d同音叠字。。　ｅｇ　ｉ　　ｉ。　

同埋我發現小豬賢有一個無形發熱氣波圍住佢個頭.
好強既氣.

之前以為晚上係咁叫係因眼瞓(閂機mode)原來係因為唔想食奶粉, 由於想佢食飽d瞓耐ｄ，　加上佢食完無耐又叫唔知佢食幾多唔想佢浪費寶貴既人奶於是開奶粉過佢食.
2個月既細小姐對食好有要求，如果開奶粉比佢食，不論飽饑，第一啖必吐！
若餓亦要強行餵食數次才帶著埋怨眼光無奈接受。
人奶溫度稍比奶粉低，她年紀漸長，食量相對較早前大，6oz奶欰到第4oz奶只微微地比室溫高，此人便停止進食，當奶樽離口，馬上又作肚餓狀,要其母親再溫熱餘下2oz才肯進食，幼年食神乎?

好鍾意同人講野呀,聽到佢既吹水朋友(阿公)來, 唔去問侯佢, 佢會喊~

日日都有便便.. 但係幾日就會有一次持大...一大堆泥漿, 我地叫呢個行為做排洪~

開始會同人傾計了。。。　同埋對住人笑～

知道摸完片就有奶食, 如果唔係咁餓既話, 一開始換片就唔喊...

近來早上問佢係咪要奶, 佢仲會笑, 會叫i i , 想信佢會比小兔更快識講野. 因佢好肯學發音.
連我地叫痾屎, 佢都想學. 當然佢未講到, 但聽到佢想學.

最令媽媽興奮既係小豬賢小姐有一個自動排氣系統!!!好先進呀!!! 哈哈

飲完奶不用拍, 只要夾佢一來就攪掂.
近呢2 個星期係食完不用拍風,不用夾. 只要放低佢, 佢叫等佢叫幾聲抱番起佢再夾就ok .
有時仲唔使er tim , 嘩!!!

呢幾日知自己個名, 日間試過幾次瞓著叫佢個名都會睜開眼望下人再瞓番...
咁咪唔可以亂咁提佢個名囉?!~~~

公公係咁介紹自已阿公阿公阿公阿公.
跟住豬賢撞口掛, 但好清咁叫左聲阿公... 阿公好開心
不過好豬賢同小兔有少少唔同, 小兔細個好鍾意我地e e rr 發唔同既聲.
而小豬賢呢, 你同佢玩ee rr 佢轉個頭做唔到就唔跟, 然後會伸脷.
但係你教佢講野咁, 佢又會好努力學你既口型但就唔係咁發唔到音. 所以個個小朋友都唔同呢~
依嫁可以係最最最危急好餓時叫到奶,
跟住我地叫痾ng .

知道媽媽唔比食手, 一喂佢會成個彈起, 再自己攞開隻手.
開始用一隻手遮

2013年1月24日星期四

出監大會

家庭生活

2013年1月24日下午6:35所有關注我的人累積瀏覽 19 0

好開心呀(其實係一個月前既事,幾個媽媽朋友興祝我坐完月既出監加新年party.. 因小豬賢太細唔可以出街食野而出監大會係監獄(我屋企, 咁即係無出過監)舉行又好似唔係咁好... 於是就係另一媽媽既新居攪喇.
不過因溝通問題... 有個媽媽記錯左日子.. 所以今次得3 家人咋!

今次我地夾錢請左朋友煮野好叻既鍾點姐姐煮野食, 又平又好食!
有壽司, 關東煮, 炒飯, 圈蛋, 日式炸蝦,雞翼, 炸雞,芝士西蘭花, 炸甜香蕉.

小朋友食得好開心, 而小豬賢都好乖, 瞓足全程, 等媽媽可以食足全程!!

真係多野大家為我興祝.
同小兔一同長大既呢幾家人大家都好夾... 好難得. 同小豬賢果期既媽媽會就無乜人啱傾喇!
好在小兔媽媽會大家都再生多個遮~

一個大豬賢一年, 一個大8個月, 仲有個大一個月咋!!!
其實full time mummy 既生活都好忙, 都無時間再同多班人social 啦

加上媽媽又唔係人人都啱..
我發現如果d人同你唔夾既真係可以溝通唔到.
我諗出面一般媽咪都覺得我係傻既
淨係唔比小朋友睇電視, 食糖同朱古力已經好唔正常啦!!!!
我地呢班媽咪朋友一直都明白同尊重我.
我地可以互相交流, 和而不同, 真係難得~

2013年1月21日星期一

美女育成

育兒

2013年1月21日上午2:10公開累積瀏覽 275 1

先天不足要後天補救, 先天富足亦要努力維持.

初生B 日日都會同佢搓頭仔, 搓到個頭又圓又靚!

要用掌心既力, 唔可以用手指力, 係手腕動唔係手臂動, 咁既力至係最平均.

大約個多月可剃頭.
其實唔係個個要剃, 要剃亦唔一定係全頭.
EG 小兔係M 字額, 就只係剃LUP 入去比弱果個位,
豬賢呢係河童頭就剃成個前額.

細細個人6歲前唔會留到好長一定要紮既長度.
因成日紮住好傷髮根既.

吹頭唔好直吹, 要用紗巾隔住個頭吹. 唔好吹傷D頭髮

少曬太陽. 直曬. 成日話曬太陽會吸叫維他命D.
原來我地一日需要既維他命D 只係一日手掌咁多, 曬5分鍾就夠使.
其實唔雖要成日人暴露係戶外, 只要坐係室內有自然光陽光照入室內就夠喇.
我睇一本美容書. 佢話城市人(女仔)一生70%既陽光都係18歲前曬既.

頭型靚, 頭髮靚, 皮膚好. 就算5官爭少少望上去都叫順眼先啦!

2013年1月15日星期二

２歲７個月

2013年1月15日下午3:23公開累積瀏覽 63 0

要上網轉數買野
唔見左個密碼機。　

右邊果個。　
當要入passward 時個screen就出現左個密碼機個樣。。。
我自言自語::死啦唔見左果舊野... 去左邊??

小兔:你搵緊滙豐銀行果舊野呀??

我先係驚

(咁你都知)跟住係嬲

(因為知係佢攞左囉....)(但忍住)
我:係呀, 咁你知唔知係邊呀?

(早2 日我用完放左係枱)
小兔:係咪係呢度.(平時我放密碼機既櫃桶)

我:(知唔係入面但都跟住打開個櫃)唔係喎

小兔:係咪果個櫃桶呀/.

我又打開

我:你可唔可以幫我搵番出來

(其實如果係佢收埋我知佢只有一個位收.我比最後機會佢)
小兔周屋走, 係度叫唔係呢度喎, (佢根本無搵過)唔係呢度喎

我走去佢個寶盒度攞番個密碼機出來.
我:係你收埋既

佢收左聲.........

跟住就到爸爸出場..... 鬧左佢一輪.....

好感動.
去表哥生日會.
唔食得朱古力.
但今日個蛋糕係朱古力!
小兔唔開心... 因己近期係第2 個朱古力CAKE喇!!!
之前契爺生日己係咁.. (係契爺朋友買... 但契爺都唔食朱古力CAKE嫁喎

）
我同小兔講... :我陪你唔食啦.
小兔:唔好啦, 你食少少啦.

2013年1月14日星期一

0個月

小豬賢成長記錄

2013年1月14日上午9:29公開累積瀏覽 328 1

新開一個分類係小豬賢成長記錄.
點解叫咕c 做小豬?因為佢真係一隻豬仔咁.
食共瞓...(仲有痾)

食奶好快, 15 分鐘一口氣就食完,到佢要ｅｇ　氣會停等你坐直佢唔會一直狂食食到嘔。　
而且中氣十足，　好多時唔使拍就自動排氣。　
爸爸話係因為身體強壯喎。　

仲有一樣好可愛既野係出世無幾耐已經係咁.. 就係食飽會笑.
開始有個pattern
一早起身6點多7 點..就起身飲下奶,食飽都唔會瞓會扭下大便...
有時扭完會瞓番, 有時唔會..
到9點多沖涼前就會有便出.
10 點多沖涼. 沖完涼又食... 食完全清醒一會之後可能沖完涼乾淨會大覺睡一輪.
再起身食, 食完又瞓. 然後到6點多7點食完又話唔夠. 唔夠3 hr 又會叫食食又食果少少. 再瞓, 然後到晚上9點多10 點就會進行一個閂機儀式,
不輪幾點食完係呢個鐘數都會再叫肚餓, 可能食半oz可能食3oz 唔想浪費人奶呢個時間都係開奶粉過佢食.(註我係bump 奶唔埋身食).
一路食會係度fing 頭同叫, 叫叫下就會突然瞓著......
如果唔瞓呢放佢係床就閂燈就攪掂!

跟住一瞓就5-6 小時嫁喇~好乖呀~

上星期嫲嫲同婆婆病左, 媽媽一個人對2 個小朋友呀!
好在小豬賢好乖, 媽媽真係好多野做一日bump４次奶，洗泵洗奶樽, 煮飯比小兔同爸爸食, 食完又要洗, 同2 個小朋友沖涼, 好忙呀
日日就係咁煮煮煮, bump bump bump, 洗洗洗, 手好乾, 試過自己涼都唔記得沖就走左去瞓~~~

2013年1月13日星期日

慳位既沖涼盤.

嬰兒用品

2013年1月13日下午2:07公開累積瀏覽 423 0

香港既樓價真係高到嚇死人....
幾百萬只可以買劏房!!!
屋仔細細但偏偏d BB野就件件都咁R 位~
推介2 個沖涼盤...
第一個係flexi- bath
早前朋友bb出世係ｂａｂｙ　ｐｏｓｈ　買左個送比朋友

http://www.babyposh.hk/index.php?dispatch=products.view&product_id=30088

ｂａｂｙ　ｐｏｓｈ　有售。　

http://www.arealcoolworld.com/#

小bb 可以用呢個, 仲慳位, 可以企係sink盤沖又唔貴! 用到6個月/ 17

http://www.mother-organic.com/detail.asp?catid=81566&subcatid=54883&pdtid=661631&private=

Mother Organic 有售.

Flexi Bath,
Puj Tub

買鞋仔

2013年1月13日下午5:55公開累積瀏覽 309 0

3兩個月就要買一次鞋.所以一般都唔會買太貴既鞋...
但係間唔中見到靚又忍唔住...

又係買鞋既時間.
大減價行過JACADI。　真係好靚呀好想買。　減左都要成６百幾７百。　本來都忍唔到手嫁，　好在佢全部鞋底都好硬,
後來見到對舒服少少軟身D 不過無小兔Size.. 慳番!

跟住就去左shoes box 買波鞋.
揀左呢一對,
有小兔最愛既粉紅色係鞋度.
搭深紫又靚, 又可襯冬天深色衫!

跟住媽媽見到一對幾可愛既boot,
係幾靚既,,不過粉紅色好似姣左d 喎.
所以只係望左一眼...
跟住店員小姐即介紹, 買任何鞋加HKD 299(原價hkd599)
就買到呢對Boot仔.
媽媽摸上手.. 又真係幾軟熟喎....
店買小姐話係巴西造, 仲係真皮tim!
oh ~咁真係好抵喎~
就係咁, 又買多對鞋回家.
咁又幾好襯野既.