係呀, 人人都話做乜唔選果間呀, 好多人入瑪利曼....
其實都係派位, 可能Ｄ小朋友既媽媽根本就係舊生..(佢無小學, 好多時都係街坊讀)
另外果間呢? 叫做半條龍喎. (真係唔想小朋友一日齋抄到黑)
我自己諗如果選一間啱自己小朋友既學校, 出去考或者攝位都有幫助.
靈糧堂早2日開左家長會, 我更加覺得決定係啱.
好在我最想入果間唔收我咋~~~
靈糧堂既教法同我地屋企既教法都好近, 其實好多時同好多媽媽傾計成日都話。 好想D 小朋友開心, 所以唔想逼D 小朋友學野.
但係唔逼又怕小朋友唔及人.
大家可有諗過learning is fun 既呢?
至於點做真係要睇番自己小朋友性格, 等於有人講個笑話我笑得出但你又笑唔出一樣.
讀得呢間學校要預左家長要參與.
呢本係家長手冊, 無錯家長都有本manual !
出席over 80% 活動既家長有証書... 哈家長都要人鼓勵嫁.
學
校9點上課8:30 就開校門, 家長可入學校及上埋班房, 到班房班主任已坐度
恭侯各位, 有問必答. 小朋友可以全校走(由於llt
係全室內係個大playgroup 得一個出口咁一唔怕佢走出街), 可以自由去老師為大家準備既美勞區, 建構區, 圖書區, 科學區,
音樂區玩嫁!可同不同年紀小朋友玩, 又可以玩自己鍾意既野.
學校真係好有心... 我記得我細個早番到學校只可回自己班房,
就算係我爸爸接番學有爸爸睇住....學校有個馬騮架都唔準小朋友玩既. d 學校阿姐好緊張咁阻止, 所以我好唔鍾意我細個間幼稚園,
仲要利害到2x年如一日都係同一個校長, 再番去考都係佢係度開咪指揮全世界,呢個真係信童年陰影(仲有幾件事, 有機會出個秘密post分享下).
一聽到佢把聲,我不快記憶番曬來 我入到去in 真係完全唔想講野. 老師問一句我答一句,如果考幼稚園要考埋家長.. 咁我知點解唔收我女.
k1唔教寫字, 其實都有綫條練習, 唔會有格位框住寫唔一定係a4 紙,唔一定係原筆...
小朋友可任畫,大大小小, 咩colour 用咩media 都可以. 見到校長show 出來既相有小朋友坐係一個大0字中間, 用樹枝?特大毛筆寫字. 仲有比炭枝, 比小朋友玩(因好易報銷, 尤其係比小朋友玩啦, 所以維番一支都唔平)
早年到英國上summer course一攞起筆香港人就會成日比老師話唔充份咁用隻手. 畫d 公仔成日鬼鬼崇祟.(不過好過德國人嫁喇, 佢地用間尺畫公仔tim!!!!)
諗番係同我地細細個比人釘住要係格仔寫字同只係係a3紙畫畫有關...
認字唔一定係要係咁抄抄抄既!呢點我都好同意. 學校有個計劃叫你聽我讀. D 小朋友要對住不同既人讀同一本書. 跟住聽既人如明白小朋友講乜就簽個名.
記住!唔係一個人, 係30 個人, 係過程中第一可以練膽(一開始可以利用果30分鍾free time 係學校讀比人聽,慢慢有人會增加難度出街搵人... 我地咁多街坊... 一定唔跑唔夠數
)
第2 讀咁多次唸口磺都記得D字啦.. 慢慢深入D就可練下presentation skills. 真係一舉多得.
聽完佢介紹好多課堂上既野都會有畫畫同手工, 所以可以慳番d 錢, 唔使上painting, art and craft 既堂, 見佢地d小朋友既作品（係堂上作品所以一定唔會係家長做）好有水準. 有創意.
學校仲會比小朋友玩各種 樂器, 會教小朋友拍子, 簡單樂理, 同埋作曲, 睇d 小朋友玩樂器又有板有眼(不過我收到童心歌集.... 成隻碟都係春田花花style)
有樣野我老公一定好like，就係選家長會委員, 極好玩, 完全當自己係度選議員咁. 參選者要寫政岡, 派宣傳單張, 拉票,
其他人要投票, 最利害係學校投票當日做左個像真度極高既票站!!!!!
投票真係要對身份証, 比張票你,入到去分開一格格自己lee 埋係個格度, 印chop ,chop得衰係會變癈票既...
平日晚上開家長會, 爸爸放工晏meet 唔到, 難得阿嫲睇住d 小朋友.,一個人去左食muji 98蚊4餸餐..
口味清新.. 味唔濃,又唔油, 啱小朋友食!睇上去唔多, 食落都夠飽. (我依嫁咁大食都夠)
行埋counter選餸, 似外國學鈫canteen feel , 去過加拿大,同英國既canteen 都係咁樣選嫁
當然... canteen 平好多英國當年2 磅就有3 個餸(8年前, 果時出街食係中餐館都要10磅一碟炒通菜)... 食到嘔果隻, 質素係中環three sixty 有檔都係咁夾夾下咁.
