2013年7月31日 星期三

3Layers collagen mask

2013年7月31日上午5:23公開累積瀏覽 204 0

無錯, 係果d 30 合1既mask, 我好憎呢d mask 嫁, 次次買都敷唔過10片就放佢係度等死.
而硬係唔信邪, 耐不耐就會買不同既敷, 因為真係平ma..
不過今次我搏中左, 係一個月內敷完一盒,再買一盒都就敷完喇!!!!!
唔係一般掂, 係好掂, 個面乾敷時真係會痛. 敷完又真係好滑同有彈性.. 呢個唔係最強.
有時敷完面膜如果唔搽野去瞓第2日係唔敷好過敷, 但呢隻竟然係ok.
個面仲係滑!!!我唔係傻的, 唔係專登唔搽野走去瞓.. 但真係太攰, 諗住等小兔盿左再搽, 點知自己都瞓埋... 半夜bump奶又唔記得搽....
通常就係兔刷牙時敷上面, 之後講故仔, 講完一本就撕下, 跟住用同一片敷頸, 敷完然後再抺手腳..
呢片野係30神合體, 但好多水份, 竟然可以用到咁盡!更神奇係佢唔係水滴滴果隻... 30神合1用到尾都仲ok 夠料.
桃紅色好掂.. 但貴d . 橙色都ok. 打算買埋藍色try ...
以前d 人成日話咁後生用sk2到老用乜...(我本人唔覺得sk2有咩咁勁先)
但我想係度講科技係會進步的, 到時又有到時既新野, 而且一個技術/科技普及, 果樣野只會越來越平...
呢盒野只不過180蚊.....
city super /log on 有..
之前覺得極潤mask 好抵. 呢個更係抵到不得了.

2013年7月26日 星期五

萬水千山打底衫!

2013年7月26日下午5:59公開累積瀏覽 170 1
學校好自由, 係學校買背心裙仔, 入面著件白色衫就可.. 各位自行出街買果件白色衫仔.

白色衫就可... 一聽好開心.. 就好似化妝Counter d靚女咁著件黑衫就可番工, 睇上去有型整齊又不失個人風格.
但買起上來真係真係考起, 首先唔係間間都有純白色先.
而一講白色衫媽媽同另一媽媽朋友討論我地又有一番要求, 2 個女人就係咁...尋找一件世上可能根本係無既衫.
Bossini. 佐記,zara. Gap無純白.
city super 果間日本人校服店執左.
街上校服店, 同polo 既都白色有領係朱地, 唔吸汗.
無印, 同h&m有白色... 但係是公主袖無領,
唔理啦有好過無, 2 選1 , 之前去h&m係65 蚊2 件白色, 今次去係一件白一件粉紅.... 質地不是太好而且其實唔係咁靚... 又要人哽左件粉紅色.....
所以去左muji 買65一件, 質地靚,,,仲要手快有手慢無, 買完話比另一媽媽知都無喇,

但係... 係我買完之後.... 我上fb 見到american apparel賣廣告ship to hk .... 就諗係喎, 呢間咁既野可能有我想要既野...
果然有... 白色cotton吸汗係有領冷氣下唔怕凍親頸,
有領唔係shirt衫.
shirt衫係最易買。 不過Shirt衫既唔方便活動, 又唔及汗,
今日有媽媽話NEXT都有白色圓領。 
其實有媽媽話可買BOSSINI 公仔TEE 著入面.... ....我自己就唔係咁接受到. 始終都叫做校服. 我一定會死搵到尾真係無至買.
好在我都搵到.

2013年7月24日 星期三

小兔的生辰~


 
2013年7月24日上午11:39公開累積瀏覽 233 2
生日去左人地生日會. 佢嬲~~~

係媽媽唔啱.... 所以氹番佢( 佢真係嬲到唔肯認自己生日)
去佢最愛既大戶屋, 跟住買左個雪糕蛋糕, 同玩乾冰...

食完拆埋禮物,條氣順番曬~~~~

其實一早就訂左個蛋糕,星期1 同阿嫲食既... (嫲係要風雨不改周未去服務人群,)














生日當然有d 活動.... 兔好鍾意一本書叫做一百層樓的家
.
所以媽媽就帶左佢去一百層樓,,,, 呢度有齊書本上講既野車立就, 望遠鏡, 同名信片. (有信)

我地去果日鴨仲未走,望過去尖沙咀碼頭,仲見到鴨pat pat。 

好難得我記得影合照.... 但妹妹就瞓著左... (到底我何時才可瘦番, 同埋有番個人樣?)
真係長期唔夠瞓.... 妹妹瞓得好, 一早唔食夜奶.但係媽媽仍係要bump 奶.為左唔影響到日常同小朋友相處時間, 所以等佢地瞓了至bump 奶, 佢地未起身又bump
瞓午覺bump . 真係好唔夠瞓,, 次次照鏡都唔想望自己..

坐車立上一百檈入口有個COUNTER .要問先會有一本pass 見到有個橙色數字板就係check point, 打開本薄仔就有印仔chop 同有問答題...
我地都係見到有印仔同D 數字自己走去問COUTNER. 不過暑假到, 多小朋友去可能佢會好D 吧.

乜都影下...

入錢睇望遠鏡... 小兔竟然唔睇真境, 要睇AUTO 循環放既煙花片!

高空看屎~~

係本pass 既最後一頁有張明信片, 現場仲有d 顏色筆比人畫.. 畫完就寄...
會有sky 100 既郵chop .寄信收5蚊.

帶埋本書去講故事.
走先醒...

一坐低請妹妹食糊仔先..

生日大解放!狂吃甜品, the market有山貓王雪糕, 我懷疑只係將榴槤雪凍就係雪糕, 因為我食到一平放低舊野, 過左一會都無溶.
另外d熱盤都好好食喎。。 
鹹豬手, 蟲草花湯, 叻沙, 燒牛肉, 海鮮粥都好好味, 平時食自助餐主要都係食d生冷野, 但the market lunch 主打熱食.

2013年7月13日 星期六

日曆

 
2012年7月13日下午6:13公開累積瀏覽 309 0

一直都想買嫁係online shop都見過比呢個平既。。 不過個樣就唔係咁靚, 同埋係簡體字加又中又英...
今日見到呢個手工精美好多。。。 不過同時都貴好多。。。。

我地果個要成HKD350!下面果個只係HKD168....
係中環Bumps to babes 有售.
http://www.bumpstobabes.com/index.php/Content/home

呢間bumpd to babes好大間嫁, 有ELC玩具,款多過同埋有益過CWB MOTHER CARE 果個Counter 好多.
另外仲有各樣bb 用品, 如果mother care 同佢都有既咁佢係會貴d,但係佢就勝在多款, 有d係其他地方都無。 
佢係外國feel 既荷花咁囉...
eg 旅行奶樽, 微波叮叮消毒奶樽袋, 凍水消毒藥丸, 媽媽餵奶搖椅, 好多款既多奶茶, bb body lotion,
我千辛菁苦係澳洲yahoo bid 番來既透氣床圍air wrap ..... 都有.

Pedder Building Branch
5th Floor Pedder Building
12 Pedder Street
Central
Hong Kong

tel:  +852 2522 7112
fax: +852 2522 7311

2013年7月8日 星期一

朋友的生日會

2013年7月8日上午10:09公開累積瀏覽 249 0
話咁快就同呢班朋友仔識左3年.
5月尾左JOCELYN既角色扮演生日派對.好玩到大人細路都唔肯走... 3個鍾真係過得好快, 到走都好似有好多野未玩完.
JOCELYN既生日會係每年小兔都好期待既, 因次次都好好玩, 而JOCELYN媽媽都會出請柬, 小兔係收到請柬就開始興奮.
JOCELYN係兔既最好朋友來嫁.


扮媬姆湊B

,做海盜上賊船,

免最愛波波池, 但係去完2 個有波波池既party 發現原來妹妹唔意波波池嫁, 一坐上去成個人都震曬.

好認真既醫生,

好大駕消房車.

好靚既電影院
我地係咁玩無乜時間影相....
真係玩一日都唔夠. 賓在太多野玩.
仲有托兒所, 大廚房, 火車

食蛋糕都要食粉紅色既粉紅怪獸.
眼瞓既妹妹, 伏住爸爸.

另一好友, 而且將會係同學仔BBK 既生日會

波波世界生日會, BBK 媽媽同媽媽我鍾意既野都好似,媽媽覺得BBK 既生日會佈置得好靚呀.
而BBK 爸爸係食家來!BBK 既派對食物真係相當有水準, 樣樣都好好味,
熱食有warm 住凍食buff 果d 都係有凍住唔會溶曬,非常體貼. 食自助餐一樣!!!!

去到就自已照顧自己喇!玩得好開心~

通常生日果個都好唔得閒, 所以朋友仔們你地自已玩下啦!
好開心有扭波波哥乭哥, 不過呢位人兄就比較慢手腳.. 小朋友等到頸都長~~

近呢半年阿兔好開心, 因bbk 媽媽請阿兔去bbk 2姊弟生日會送波波都預埋妹妹果位(so sweet)其實益埋隻兔,
免在等的士期間係大堂識左個姐姐, 好慷慨咁分左個波波比姐姐玩(一陣咁多).

第3個係so q先生既生日會. so q 媽好謙咁話係小小生日會,但係去到一d都唔少!
仲落左好多心思. 所有小朋友都玩得好開心.

一去到就做手工, 一人派一set生日帽diy set,兔呢頂係特別靚嫁! 因為呢日咁啱又係兔生日, 主辦單位專門比頂靚d 既兔~ 呵呵
謝謝so q 媽媽先, 不過兔有少少唔開心... 因佢好想做主角呀

做完手工, 食完, 仲有戶外遊戲!小兔呢個拍波既動作... 成個俠女咁囉~~

小豬賢同蘇家2公子相睇!

要的起心肝寫兔既生日活動.