基本上都係一本好書, 所講既有唔少都係大家唔知既/ 知但個FACT 又唔點解係咁既野~~
所以令媽媽大開眼界同埋啊原來如此既 書, 幾時都話開卷有益.
適當既遊戲, 食物, 和家居環境, 最重要係愛!!!可以增加小朋友IQ~~
一般人IQ都係100 上下(美國人平衡得90, 菲律賓人得80 ) 如果呢度+5 果度+5 都好可觀.
食物
出世食夠12m 媽媽奶最多可以+8pt
避免食/接觸有毒食物/ 物件 令IQ不加反減.
DHA 對腦好重要... 呢個奶粉商都成日都話你知, 而媽媽奶有DHA 同埋奶粉依嫁都加左DHA 所以不多講.
反式脂肪會抑制其他脂肪專變成DHA 酵素呢個你一定要知, 簡單D就係食番式脂肪就會蠢！
最好唔好長期飲豆奶!除非飲唔到其他奶因錳含量過高. 而錳可能會傷害發育中既腦部, 導致行為問題,尤其影響解決問題既腦區. 而大豆有大量植物雌激素雖現時未有長期研究顯示有問題. 但作者仍擔心有潛在問題 ,
遊戲
玩心智刺激既games 可+ 記憶力, 心智同批判思考力.
遊戲最好係提供創新用創造機會.eg 積木/ board games
玩具最好係有多種玩法,
家居環境
限制睇tv & dvd 時間. 而2 歲以下係唔可以睇tv !!!
因tv 係單向, 而小bb 需要既係互動.要人比反應佢.
電視真係太精彩, 係過度剌激, 會造成腦部短路同停滯, 同因為其他周圍既事都唔夠個電視精彩, 所以對其他野都唔感興趣, 唔會比response .
唔負責任既節目製造人只係想節目受歡迎, 唔會理你小朋友既developement 嫁!!!所以畫面都係吸引佢老細係咁閃. 其實咁做會嚴重影響小朋友既專注力!
8歲妁以下唔好睇新聞因為會令佢地變負面. 同嚇怕佢地.持續被嚇 令佢地進入逃走mode, 難進行學習.
唔好令tv 變成家中既背景音樂, 個腦係分唔到有意義對話同雜音. 所以唔睇tv 用媽媽講多d 野, bb 就會快d 發展口語技巧(很早前己認識tv對小朋友有很多害處... 己戒tv 近一年)
唔好只係播bb 歌, 介紹不同類型音樂比bb ,
4歲前有music trainning增強數理
有研究上左6M鋼琴課 既幼稚園小朋友同無上既比空間推理測驗成績高出34% , 上左8 個月鋼琴+唱歌呢? 高80%!!!!
上左6M鋼琴課既小朋友平衡比沒有上既+ 5.4 PTS!!木森
愛
擁抱, 親吻同關愛會增加記憶力.. 聽完後你會唔會多d 抱你既小朋友/ bb ?
用多d 感情講既故仔小朋友會比較記得到.
最簡單同早期既音樂訓練就係你唱歌比小bb 聽!
小朋友學樂器家長參與, 就算只係陪坐, 成積都會好好多. ( 當然唔好擺個悶樣出來啦)
\
睇完呢本書後..
日日晚上飲完奶奶都會講番大概發生過既事, 會問佢問題,, 佢多數都唔識答,問完會停一停, 再幫佢答,再叫佢跟住我講,通常未講完成日發生過d 乜佢己瞓著.
講野慢少少, 同埋叫小兔望住我口. 等佢佢睇口型.
本書仲有好多games教同唔同階段既小朋友玩.
跟住果d 都係關於食物過敏,食 supplement 容後有時間再講.
呢本野我係台灣訂, 所以唔知hk 邊度有得賣,問過商務話可以代訂, 但要等8weeks,
