我係同日本代購訂, 要hkd1670. 我地係早好多訂既. 日本on lineshop 一出就馬上訂, 後來知hk snidel 都有賣, 仲只係hkd1200咋!
不過算啦, hk snidel 真係好遲至公佈出, 所以點都係買日本嫁喇, 加上我有諗過香港出一定好多人排(事實反而唔係好多人排, 不過我1月1日都出唔到街買啦. )
事前都睇左幾個目標, 分別係snidel, DELYLE,titty co, dazzlin 同lagunamoon .
當中snidel 每季既風格係最隱定, 所以就算收到去年既貨尾都唔會唔岩.
最開心係收到呢件褸. 因為係10 號vivi見到佢已好鍾意.
係日yen 高企下snidel 真係唔係咁買得落水, 由小兔出世果年係食水ok 深既水貨店買條snidel 連身裙都唔過千.
到依嫁專門店mark up 都唔算好高但一條連身裙閒閒地都要hkd14xx. 真係唔係咁捨得買.
呢件野25200yen!!!!
當時個腦閃一閃呢件野闊闊咁好睇唔好賣, 唔知d 貨尾會唔會攞去做福袋呢?
話說媽媽對褔袋既認識係停留係數年前去日本, 當時好多褔袋既褸都係黑色嫁.
於是係狂買福袋既情況下屋企多左幾件黑色褸. 多到要送比d 姨媽姑姐!(送左件比婆婆, 仲送左件比e婆, 自己仲有2 件黑褸係屋企).所以都係算拉唔會咁好彩既有我想要既. 買褔袋果下只係祈求唔好係黑褸!
(後來做reserarch 發現其實近年佢地都好少送黑褸)
當1月1 日開估時真係大叫ar, 係我最愛既古怪款.. 其他野係乜唔重要喇 因為最值錢果件中左!
著左上身係子靚下, 難得係件野好闊一闊到可以揹隻小兔係入面要扣鈕都可以.
其實snidel 最利害既係好多你覺得會著到似肥婆既款, 佢都可以做到著得唔肥, 大部份款都著得人好瘦同高.
真係好神奇, 可能呢個就係佢係日本爆紅既原因, snidel 係日本人氣品牌來嫁!
第2件就係呢件間條,其實媽媽好鍾意間條, 家中就有一條同呢個間一樣既褲!
條連身裙既質地係d 彈性料, 而個本身係正經款, 所以呢件連身裙係百搭, casual 得, 斯文都得, 睇下點襯.
但其實福袋d 野維番咁平都有d 原因, 就好似呢個睇上去咁4正既裙, 其實係有少少問題, 佢既胸位一定係做錯, 因為個胸綫真係太低太低,低左成1吋多!(估係因為佢估貨出左發現有野錯,所以放係福袋賣)
可
能你會話, 係你人矮遮. 唔係喎, 首先呢個brand 唔係for高人著, 你睇vivi就明, 呢個brand 好多時只係lena
小姐示範著(lena只有5呎4 ), 而且好多裙款佢著出來都短到不能再短, 所以正確來講呢個brand 係最fit
係5呎到5呎4既人著嫁咋!!!
佢只係胸位零零舍舍低左咁多, 其他位都好啱身.
呢次我認我肥, 入褸真係要唔扣下面2 粒鈕至好睇, 扣就扣得埋,但有少少扯住咁唔係咁靚.
同埋佢只可以襯裙,如果襯件衫又再襯褲就~~好多層咁
呢件野針織連身裙真係完全突顯身材, 你話身材好就話遮...
訂左個褔袋後都有諗過佢會唔會出D 連身但係FOR 人套衫既裙,
媽媽想要一件上身係背心下擺紗紗淺淺色果隻.(真係發夢+貪心)
呢件如果套TOP著都OK 既eg d 長冷衫. 條裙唔太長唔會著得我矮, 又唔太短唔會著到走光.
呢條少短令令地有少少似波褲質地既裙, 我都仲諗緊點同佢玩~~
如果佢係裙褲都話粗著都得, 但係裙就有少少煩.
你都係係櫃桶坐下先啦.
頂技蘭畫家帽係我上人地blog未見實物時覺得最唔掂既.
豹紋帽,想點先. 但收到後又ok 喎, 個紋唔算好sharp , 唔討厭.
戴左真係好似可愛日本妹^^.
不過唔化妝就唔戴得囉...因為我真身係c9 ma ...
近日都想買d 可以hea戴, 戴完可以遮住倦容, 個人型番少少, 但又唔可以遮住視綫既帽.
(同女出街想靚少少, 但又懶+無時間扮, 又怕戴左變盲毛, 睇唔到野撞到小兔)
心情同要求一樣複雜.....
