買鞋仔

• 家庭生活,
• 嬰兒用品

買鞋仔

2013年1月13日下午5:55公開累積瀏覽 309 0

3兩個月就要買一次鞋.所以一般都唔會買太貴既鞋...
但係間唔中見到靚又忍唔住...
又係買鞋既時間.
大減價行過JACADI。　真係好靚呀好想買。　減左都要成６百幾７百。　本來都忍唔到手嫁，　好在佢全部鞋底都好硬,
後來見到對舒服少少軟身D 不過無小兔Size.. 慳番!


跟住就去左shoes box 買波鞋.
揀左呢一對,
有小兔最愛既粉紅色係鞋度.
搭深紫又靚, 又可襯冬天深色衫!
跟住媽媽見到一對幾可愛既boot,
係幾靚既,,不過粉紅色好似姣左d 喎.
所以只係望左一眼...
跟住店員小姐即介紹, 買任何鞋加HKD 299(原價hkd599)
就買到呢對Boot仔.
媽媽摸上手.. 又真係幾軟熟喎....
店買小姐話係巴西造, 仲係真皮tim!
oh ~咁真係好抵喎~
就係咁, 又買多對鞋回家.
咁又幾好襯野既.








不過著起我覺得似對溜冰鞋囉~~~

檢舉這篇POST

聖誕節... (沒有媽媽的日子)

• 家庭生活

2013年1月10日上午11:07公開累積瀏覽 180 1

今年聖誕媽媽正在坐月...
小兔同爸爸周度去...
同小兔既朋友cyber port 食自助餐.

估下佢地圍埋攪乜??





Happy Birthday~~~吹熄佢!!!!

大家都好開心!!!


是晚主角聖誕老人....

仲去左Kaitlyn弟弟既一歲生日會.

是日活動係整曲奇!未造好就偷食~~

其實個個都係咁~~

謝謝Selma ee既邀請，因咕c出世既關係Selma ee好客氣送多左個波波比我地, 其實又係小兔玩曬.....
個波已經3 星期但仲係我地屋企飄浮緊!!!!真係好襟喎!
小兔好有媽媽心,請媽媽食曲奇.　

1個月

• 小豬賢成長記錄

2013年1月18日下午5:28公開累積瀏覽 91 0

晚上,可以瞓7小時, 但係由於要同姐姐同步瞓(9點半)所以清晨媽媽仲要起一次身...

bump奶尤其係冬天, 真係要好有毅力, 連瞓都睜唔開.. 係咁同自已講bb 要食, 要食快d 起身!!!!bump奶喇!!!!

小豬知咩係奶, 肚餓我地叫奶佢收一下聲. 如果佢差不多餓, 你提食奶佢又會大喊!

估唔到既係佢竟然知咩係蘋果!
話說有個瘋人(爸爸)見媽媽買左2個好味蘋果於是請小豬lam.
小豬lam左一下跟住條脷係咁伸出伸入好攪笑!(係第一次咁樣)
第2 日爸爸問佢蘋果好唔好食, 小豬馬上做番昨日食蘋果既動作,
爸爸媽媽都好驚訝!

健康院份表!!!!

• 育兒,
• 小豬賢成長記錄

 

2013年1月7日下午5:26公開累積瀏覽 244 1

見到就嬲!!!

呢個咁既政府!連佢地都知依家係香港係大陸人係香港出世多過香港人...
竟然係個表度寫來港類別, 到底有人proof　read ???
有咁多個項目, 其中有永久居民, 係咪應用居留類別呢???
來港即係本來不在港啦!
到底依嫁呢個香港政府係為咩人服務嫁????

雨中漫遊海上圖書館----- 望道號,

• 育兒,
• 閱讀

2013年1月6日下午5:55公開累積瀏覽 212 0

媽媽第一個坐完月既活動..
小兔好開心, 因媽媽好耐無同佢出街+抱佢, 佢真係由個心笑出來呢!
好耐無抱小兔,再抱上手.. 真係重左好多好多呀!!!!!

今日係爸爸係屋企睇咕C, 我同小兔+爺爺同堂哥.
堂哥去左爺爺度瞓, 本來星期6一早就番屋企, 但係媽媽話比爺爺知有船睇叫爺爺帶堂哥睇埋先.
堂哥係船迷所以知遁可以參觀船好開心!


一上船就係救生艇型既椅度睇TV 聽簡介. 跟住就去扮揸船.
其實我諗小兔唔知自己做乜, 只係知有掣襟囉!=


跟住2 個就開始係咁攞Pose 比阿爺影相..... 囉d書仔睇下。。。。　
媽媽都快速咁買左ｄ書.

有教煮西式素菜既書, 有教插花, 同埋整雪糕書(呢本粉紅色仲教雪糕既書一番到屋企就比小兔攬住左, 重複又重複睇左好多次!!!)
ballett 呢本就一買買左4本送埋比小兔既朋友,因為大家都學緊ballet. 大家都好沉迷呢!!!
其他都係d貼紙書。　pirate 係playgroup有教過既topic , 而knights係ｏｘｔ　其中一本書講過，　因想小兔知多ｄ就買左呢2 本書.

呢幾本ｒｅａｄ　ａｔ　ｈｏｍｅ真係抵到呢.... 5蚊本!!!!

當然唔少得買紀念品啦!
其他媽媽話佢地去時好多人好逼呀,排隊比錢都排半小時, 我地呢日可能早+落雨唔使點排咋~

大人重點去買書, 小朋友去重點係去參觀隻船..
行完食個爆谷坐下飲啖水再行Tour.
個tour大人收HKD50, 12歲妁人以下同60歲以上FREE..
所以我地4 個人只係比左HKD50 就可以行喇!

參觀隻船唔同地方, 了解佢既使命, 歷史, 結構,睇左佢地既飯堂, 廚房,禮堂.

走上走落, 非常開心.
導賞既哥哥比好多問題小朋友估eg隻船住幾多人, 一日要做幾多條麵包?
船上有好多唔同國家同年紀既人全部都係義工, 佢地會分配大家日日同一班人食飯, 佢地叫同枱既人做家人, 有大有細. 有d 夫婦帶埋小朋友上船.
大家會互相幫忙. 係海中心有好多生活問題要解決, 佢地有人負責清潔,有木工, 機房員工, 廚部,圖書銷售部, 小診所, 仲有學校t比小朋友番學im!!!

經舺板入駕駛室參觀


扮小船長.....                                                                                  係船頭望出去既風景



小兔今日好作狀,全日影相頭側側~~~

出左世仍可清胎毒...

出左世仍可清胎毒...

2013年1月4日下午12:14公開累積瀏覽 258 1

 
好多時BB 出左世皮膚都會乾甩皮, 同埋有D粒粒仔,可以用片糖大半片+同甘草煲到片糖溶左就可收火,
倒落去沖涼水度. 再留番少少用煲過既水開稀+棉花抺面(抺面仔一定要用熟水)
可以滋潤皮膚去胎毒.
面仔再乾D 可以咁.......


呢個係小兔來.... 可以用化妝棉來敷3min
敷完馬上退紅...

• 片糖,
• 甘草