交什費

• 家庭生活,
• 幼稚園

2013年4月14日下午7:43公開累積瀏覽 421 2

純粹講下笑....
收到幼稚園什費表.. 有得剔要唔要
到底有邊樣可以唔比錢???
舊同學個女考到同一間學校, 仲有剛做人爸爸既表弟, 同埋我地爸爸都有傾過下.
結論係全部都要買

問：　果Ｄ　工作袋,圖書袋, 通信袋 A4 A5文入手夾有校名既, 可唔可以 唔買
答: 唔可以, 假設你自己買到人地老師話小朋友你地攞個通告袋出來放張通告入袋, 記得比媽咪簽.你自己買 老師唔知你邊個打邊個嫁喎. 唔知你攞唔攞得啱, 如果人人跟學校, 老師一舉高個袋, 小朋友望下自己攞出來果個MATCH !咁話係無錯啦.

問:傻瓜鴨仔校帽可唔可以唔買?
答:出外參戴住佢,行到遠一遠都知係你地. 你唔買走失左, 你就真係傻瓜鴨仔.

書要買啦. (應比D 有兄姐既選有咩買/ 不買)
佢有個參考書類(係中文字咭)心諗吓仲字咭... 依嫁學緊句子嫁喇喎!
不過有人話有用... 又買埋

學校內聯網...... ＄３１５半年呀!
呢個包乜既呢?
校園TV Channel ,英文學習平台, 賀咭<-- 呢堆無用
討論區 相信無人會講D 唔到野, 只有一面咁話學校好既遮.
校園相薄(學生生活相片), <-- 唔訂就會MISS 左小兔既學校生活, 我見人地果D 學校相成日都好好笑嫁!
內聯 MAIL,學校活動,學習進度,行事曆<-- 呢D都要啦
終於明白點解呢間學校報名程序咁先進, 佢真係放左唔少錢係呢方面~
雖然係要比錢, 但係呢D都係好既，　因真係好方便，　好唔好用要到左手至知.
但就我地報名, 收通知黎睇, 佢係做得唔錯既.

2歲10個月

• 小兔成長記錄

2013年4月13日下午7:01公開累積瀏覽 30 0

坐左係大象櫈度.
爸爸: E你坐左係妹妹張櫈度既？
小兔：張櫈係大嫁嫁ＭＡ～

小兔：媽媽今日有無奶奶沖涼？
（好多時妹妹食剩一兩啖既奶奶都會集係一個樽度第2 日比小兔沖涼. (因佢乾過妹妹,對妹妹來講太潤喇, 會出粒粒)
媽媽:今日無喎. 妹妹昨日飲曬D 奶.
小兔:吓無奶沖涼咁我會唔滑嫁喎!

港女是這樣練成的
小兔朋友來小兔家玩, 本來午睡時間朋友就回家,(住好近)
但係因下大雨, 所以媽媽就留朋友仔係我地度NAP ...
叫左2 個小朋友入房瞓, 2 個媽媽係廳傾計...
傾傾下聽到佢地未瞓就裝下佢地...
佢地攞住個假MONILE PHONE瞓係度扮自拍!!!
仲叫cheeｒｓ!!!!!

４個月

• 小豬賢成長記錄

2013年4月13日下午7:03公開累積瀏覽 19 0

妹妹除左自動排氣功能, 仲有感光功能, 晚上閂燈就瞓.
近日天氣唔好, 早上都仲係暗暗的....
明明起左身, 張開左眼.. 佢逼自己瞓番!!!!!
姐姐仲好笑, 同一日起身,我望住佢, 佢同我講:媽媽, 我瞓唔著呀!
媽媽: 下? 9點幾嗱喎~咩瞓唔著呀? 你要起身喇!



識得攞奶樽，　識得ＨＯＬＤ住, 媽媽放左手都可以, 自己飲到半枝奶啦.

要人同佢玩會叫喂, 喂喂

Oxford Reading Tree 今次買正版喇!~

• 學習,
• 育兒,
• 閱讀

2013年4月10日下午7:33公開累積瀏覽 559 6

除左好多好多既一本本oxt, 仲有d 係硬皮.
係香港既書局睇真係好貴呀

呢set 野過千!!!!(買來送比人)
但係我係amazon . uk search 過係好平嫁咋, 1x-2x 磅就有交易....
就算你點計運費都一定一定平過係香港買啦.
之不過.... 我search 左所有amazon 賣家都唔寄來香港.....
ok 你唔寄一定有人寄既... 我本住呢個諗法, serch 左3 日....

比我search 到................ 你估下有幾平???

其實我係咪要走去search多ｄ呢d平書然後開間facebook 書店賣呢？　
呢sｅｔ17.99英磅+5磅shipping~


呢set 19.99英磅+5磅shipping ..... 香港賣$47一本.......

• oxford reading tree

新年戰績!

• 家庭生活

2013年4月5日下午5:29公開累積瀏覽 160 2

wa 多左隻豬真係豆多好多利是呀!!!!!真係多謝各位!!!!!!!!
呢張相有媽媽朋友以為豬賢係小兔既玩具膠公仔.....
妹妹肥左又大隻左好多人都話妹妹似膠公仔呢~~

(媽媽用鏡教妹妹眼耳口鼻）

呢個利是封真係靚到呢！係一個集團既免費利是封來, 攪到我唔捨得丟, 打算留起等有人結婚入人情.

• 新年

Andy Warhol 展!!!!

• 學習,
• 育兒

2013年4月3日上午10:05公開累積瀏覽 127 1

本來約左20號同Clara  ee 去睇. 但係有人出門口時扭計於是媽媽就留左佢去屋企自己睇.
有人話早上起床唔再扭計, 之後真係乖左幾日, 於是就補番同佢去..


場內不得攝影.係場外影番張先!
其實成個展小兔最like一定係　sliver could。　入左去玩２　轉。　（抄圖）

Andy Warhol, Silver Clouds, 1966. Silver mylar, helium, air.
Installation at MOCRA, 2006. Photo: Jeffrey Vaughn.
© Andy Warhol Foundation for the Visual Arts/
Artists Rights Society (ARS), New York.
（抄圖）
ｄ波波係個天度飄, 佢就係度捉住d 波波, d波波仲大過佢個人囉。　
香港藝術館用個玻璃房入住d波波, 有一邊係入唔到去但對住個大玻璃, 我叫小兔坐係度睇下人地玩.
其實有時有ｄ　野唔一定要萿場至好玩，睇都可以好開心既！

小兔係度睇媽媽就係咁drop note 睇下有咩可以番屋企玩....


活動1 去影快相.
活動2 打算去超市睇金寶湯
活動3 影印我地張快相同金寶湯招紙玩繪畫.
活動4 做一個時間囊.

睇完exhibition 同左係尖沙咀番工既阿e食ｌｕｎｃｈ。　

推介呢間

Al Molo Ristorante Italiano

係半自助餐, 佢好味唔在講, 係米芝蓮餐廰, 佢d巴拿馬火腿係任夾堆到山咁高,仲要係 好靚果隻, 個主菜都大碟, 重點係2 個人食4百蚊有找

之前係銅鑼灣食2 間都係半自助

Hooray 見到d烏蠅仔飛飛下, 去過2次, 最近果次D野仲少過之前。　

個主菜好細，　Ｄ　火腿都唔係咁靚。　

ＭＡＮＺＯ　呢，　Ｄ火腿就靚少少, 不過佢收小兔錢!果時小兔2歲半都無!
食完小兔去左阿E公司玩.
攞左人地D貨辦回家　一早起身就著曬成套上身！

果條裙係要Cool 係肚腩底, 比婆婆叫佢做阿怕蝴蠂~
覺得自己好靚既程度要爆錶了!!自從剪左果個鬼娃娃花子頭(佢同爸爸去契媽度 番到來剪左呢個頭, 果日佢好晏番, 第一眼見到佢真係覺得幾陰森)
就多左人話佢靚.
鍾點姐姐見到佢咁突出既造型忍唔住笑住問:小兔你咁乜著成咁哈哈!!!
小兔:....我咁靚你做乜笑我.....
聽到我地仲忍唔住囉!!!!

魚生美沙酮

• 美食~

2013年3月18日上午7:47公開累積瀏覽 171 3

吸毒無錢買白粉就去飲美沙酮.... 如果餵人奶魚生癮起可以點?

買隻好熟好熟既牛油果, 加豉油同芥辣, 就同三文魚魚生一樣味嫁喇!!!!!

• 三文魚