又係小雞......今次布甸.

• 育兒,
• 閱讀,
• 美食~

2013年5月17日下午5:57公開累積瀏覽 249 2

小雞系列-----12月新出小雞過生日!

班雞真係好利害, 成日都做D 小朋友最鍾意既野(仲有小雞逛遊樂園, 超市)(仲SEARCH 到日文有中文未出既過聖誕!!!!)
怪唔知佢大賣!~
兔日日都要睇下至安樂, 呢排近佢生日,佢仲狂...叫我到佢生日記得閂燈至好吹蠟燭!
睇呢本咁既書可以睇到有一版有好多蛋糕係度, 當新買番來睇左2 次左右. 唔算係識好多字既佢, 其實佢除左識蛋糕2隻字外乜字都唔識.
竟然可以記得曬堆蛋糕叫咩名, 真係好強呀.... 果然鍾意就乜都得....

呢個過生日講Ｄ雞食蛋糕, 媽媽親手做布甸~
係頁尾有布甸食譜.

好易做,大家都可以做下!

• 小雞過生日,
• 布甸

大量製造生日咭

• 育兒,
• 小兔成長記錄,
• 畫畫

大量製造生日咭

2013年5月16日下午6:05公開累積瀏覽 268 2

6月好多朋友仔生日... 所以我地要學Andy Warhol 大量製造生日咭.....


買張咭紙回來, 剪左d字, 記住貼既時侯係要倒轉, 跟住搵個掃上色


在厚畫紙上平衡按壓咭紙,打開, 再用水筆框好字型, 再貼上三角型彩色紙扮旗,


完成.

• 心意咭,
• 生日

5個月

• 小豬賢成長記錄

2013年5月13日下午6:38公開累積瀏覽 78 0

練成食腳.
沖住涼都要食手食腳...
會轉身, 退後爬.
碌去自己想去既地方.
最鍾意碌去書架. 攞書

可以放隻腳入口.
玩奶咀已玩到出神入化.

成日好似企鵝咁頂起個心口,

成日八係地, 只係個肚掂地, 手腳係度缽, 好似游水咁.

開始比糊仔佢食, 第一次食竟然搶匙, 想放入口!
好有希望, 我諗好快會自己食. (係就好喇!!!!)

昨晚不停行雷, 妹妹醒左係度笑,
姐姐醒左係度驚~

買野要格價!

• 美容, 購物

2013年5月13日下午9:25公開累積瀏覽 302 0

哈哈真係買野靠朋友, 網購要格價.
之前見到呢個 I PHONE CASE　覺得好靚但係貴無買(係SHOPBOP 賣成HKD685)

後來係NET A PORTER見到HKD 445!(加HKD100 SHIPPING)
真係好靚, 但係shipping 貴, 於是係咁問d friend有無人買最後有3個朋友買 ^^ share左d shipping fee! yeah!

不過佢好刺激我囉...
話多謝我第一次幫襯佢... 送把尺比我度自己....

• NET A PORTER

2YRS 11MONTH

• 小兔成長記錄

2013年5月10日上午5:39公開累積瀏覽 27 0

鍾點姐姐抺枱
姐姐: 你等我抺好枱你至好放本書上去喎!
兔: 但係張枱仲係濕喎.
姐姐:係喎咁你等多一陣啦.

鍾點姐姐因屋企有事唔做
姐姐:我地要SAY good byｅ，　你唔好蝦新來果個姐姐喎
兔：點頭，　但係你點解唔來？
姐姐：我媽咪病。
兔：咁你去探佢，　探出佢你番來囉。　
姐姐：但係佢好病，我要照顧佢.
兔:咁你記得戴口罩呀.

去探媽媽中學同學初生b.
bb有個細小兔半年既哥哥
哥哥入到屋好好笑幫小兔除襪, 小兔竟然企係度好似女皇咁等戈幫佢...
哥哥好熱情係咁捉住小兔周屋走, 但係小兔好攰不動(3點係午睡時間)
哥哥好似拉牛咁,兔黑面, 開始典走.
事後我問佢:你做乜咁嫁, 人地熱情攬下你之ma.你唔鍾意人攬你咩?你都成日攬你d friend.
兔:佢唔係攬我呀,(仲有少少嬲停左2秒)佢係扯我呀!佢係咁扯我件衫.
最後佢果晚發惡夢,大叫+醒左2次


去阿爺度瞓, 爺叫佢唔好扭計至帶佢去阿爺度
佢應承左真係唔喊.
但係眼光光眼唔著...
12 點都瞓唔到,爺睇波, 兔走出廳.
爺:12點你都唔瞓??
兔:我瞓唔著.
爺:係咪掛住媽媽ar?
兔: 係呀.
爺:你me 埋眼就瞓到嫁喇.
於是兔走番入房... 過左幾分鍾.
兔:我有me 埋眼, 我瞓醒喇.

太平清醮晚上... 打比阿爺(,阿嫲話豬賢太細人逼唔好入去, 是日去左朋友生入會)
傾左一輪比左個電話阿嫲
兔:阿嫲你依嫁做緊乜?
嫲:我依嫁出發去拜神.
兔:(好驚訝)吓? 你衣嫁拜神?你點會夜晚去拜神嫁?點解你夜晚走去拜神??

點解兔會咁問呢? 係因為阿嫲話過3點後唔好去拜神.
而點解阿嫲夜麻麻又拜乜呢???
其實太平清醮係祭鬼嫁.....

除左上英文PLYGROUP 同讀英文書,
平時都係同兔講中文....
估唔到佢識用Will 呢個字
媽:你快d執左d 書去!
兔:I finish this book first.(睇緊書),  i will pick/ pack(聽唔真) it up later.
下? first, will 同Later 你都識? 估你唔到喎.

睇書既時侯本書話D小朋友camping
佢問我picnic 同camping有咩唔同, picnic 同camping 一樣喎...
媽:唔同嫁camping要瞓係野外 過夜嫁.

睇果d香港彈起節日既pop up 書,睇新年隻獅頭驚到縮縮下..
但佢就自己同自己講
It's ok, just paper.
係咁重複. 起初唔知佢UP 乜
原來佢想話係紙來, 係紙來, 叫自己唔好怕...


爸爸有親戚過左身, 請左假上山...
唔係著SHhirt 衫.
出門口兔問: 你同我去邊(其實無佢份去)


同妹妹傾計: 妹妹同其他人笑唔望佢
兔:你答我問題, 你唔好扯開話題.

好書分享-----培養孩子的英文耳朵.

• 閱讀

2013年5月2日下午12:22公開累積瀏覽 433 4

3
一定要睇!
佢講既都好有用, 原來我地屋企不知不覺得做左佢講既, 我地小兔亦小見成績.
有圖畫既英文書係完全不用解番中文比怇聽, bb 果時任何語言佢都唔識嫁喇, 一個bb 佢聽唔明英文?其實佢都唔見得有幾明中文.
番而係要選一d 同生活有關既書. eg 沖涼, 眼耳口鼻.
 大少少就多d choice.
分 level一大堆 既書有樣好就係自己不用說選, 佢自己分左程度, 睇完一個level 再上一個level 就無錯, 唔係逐本諗啱唔岩, 而且係一個系列都係果班故事人物, d 小朋友見住同一班人物係好開心嫁, eg oxt kipper同小兔差不多大, kipper 做d 野小兔好有共鳴, 連kipper 隻teddy 佢都好鍾意..
我老公成日話去圖書館借咪得, 其實原來書真係要塞到一屋都係, 任佢睇, 睇完又睇, 佢地鍾意係咁重覆, 而且一日睇好多, 一起床又睇, 沖完涼又睇, 食完飯又睇, nap 前nap 後, 出街, 一有時間就要攞住本書. 你有時間就叫你讀, 你無時間就自己睇+ 憑佢自己記憶自言自語講番個故仔出來(好攪笑)
好似自從我開左老翻tree 開鈶佢就發狂咁睇, 一日投入過一日.英文明顯好左好多.

• 培養孩子的英文耳朵

狂食!!

• 美食~

2013年4月30日下午7:08公開累積瀏覽 46 0

依嫁個咁大食, 食到好肥, 但有一個好處... 就係一日之內好好多好多野.......
難得放監去赤買衫.
爸爸之話小豬賢有半歲準我食魚生, (查實BB 依嫁得5 個月)
係朋友介紹食呢間, 又抵又好食!

魚生好新鮮, 吞拿魚腩好肥美呢. 出面d平既食蟹膏好多時都係臭佢呢一間係又香又甜嫁!
不過佢個海膽真係爭D.
有湯有前菜有蒸蛋,16件壽司, 仲有手打綠茶同同佢好夾既牛奶大菜糕都只係hkd270 位,認真超值.
多謝一位媽媽朋友介紹同之前佢請我偷食慶祝我生日!

千里之月鮨旬菜 Xenri No Tsuki Japanese Cuisine

地址 :

銅鑼灣渣甸街50號渣甸中心6樓

電話 : 2576 1880

營業時間

：

星期一至日: 11:00-15:00, 18:00-23:00

去完赤柱我地去左聰嫂,(爸爸未去過)
比起發記好味好多倍!上次去果個發記真係好鬼難食..
d記搭亂來嫁!!!

聰嫂好好多, 佢ｄ野足料唔在講,配搭亦用心.
佢個紅荳蓉西米露係用好杰既紅荳沙雪左刨冰,d西米比ｄ紅荳冰沙整凍左好彈牙,好似魚子咁既質感~~
加$5加左個豆腐花, 嘩好大碗遮!真係估佢唔到.

聰嫂私房甜品

地址 :

銅鑼灣耀華街11號地舖

電話 : 2278 2622

營業時間

：

星期一至日:12:30-00:30

：

食完爸爸話見豕王無人排入去食喎, 佢本來話要叫個大, 我阻止左佢, 叫左個半份, 上次大肚食覺得好怪, 食唔到佢真正既味道.
今次再食... 都係覺得佢有一陣豬既"押"味.../ 豬潤味. 唔係咁like 呢....
加d 蔥同芽菜遮左d味就好味囉....

豚王 Butao Ramen

地址 :

銅鑼灣登龍街40號地下

營業時間

：

星期一至日: 11:00 - 23:00

去赤柱KING 哥度買既, 佢話下個月有好多新野, 只係運費都要比過萬!
係一個法國BRAND，　之前係佢度買POLO JACADI全都好靚唔係果D 釘個牌上去既貨,不論質地款色一睇都知係靚野果隻.
簡單得來又好有details～
King 哥係叔叔來唔係咁識電腦, 為左與時並進開左個facebook (用佢老婆名)cindy yuen
想update佢地有咩新貨可add 佢
https://www.facebook.com/cindy.yuen.906?fref=ts

• 千里之月,
• 聰嫂,
• 豚王