飲水戰

• 育兒,
• 小兔成長記錄

 

2012年5月15日下午11:17公開累積瀏覽 165 3

同小兔既飲水戰近尾聲.
其實佢本身就好鍾意飲水既, 起初用杯就好地地, 但用耐左就唔肯用, 成日倒瀉水, 貪玩要抺, 唔想飲又扮倒瀉.
充首先一個一歲就可以自己餵自己食完一餐飯既人就無乜可能handle 唔到一隻杯.
加上, 有一係fran 姐姐度表演過用無耳仔玻璃杯, 一滴不漏飲完9成滿牛奶就更加唔信佢啦!
一直都忍佢, 抺完又加番比佢. 但係真係太過份喇. 開始強硬.

最過份係鬥到大半唔飲水, 唔食飯, 唔飲奶, 狂喊.
可能有問咁逼法會唔會討厭飲水?
其實佢係好鍾意飲水既. 但係佢係要扭奶樽. 知道午覺前我會比奶樽佢瞓飲水, 佢就一直都唔飲直到午覺時間, 狂cher 1xoz !
太過份喇!同埋一次cher 咁多水都唔好啦.
起初佢好型, 可能唔信我咁絕啦, 真係唔飲...
同其他父母一樣... 我會怕佢餓親, 渴親.
但係d人有番咁上下年紀，　唔係初生。　餓同渴佢地識既. 爭個愛吃既就快d投降,唔愛吃既呢就玩耐d 囉~
怕就會比佢地食住~~~~~~~
第一戰. 早上番學唔飲水.
到上完堂我問佢飲唔飲.
輸~~~
第2戰
打算同佢出街買下雨衣, 叫佢飲完就可以出街
當時人唔食唔飲大半日+狂喊好傷心 媽媽自己出左街買野, 爸爸和當時人留係屋企.
媽媽買左其他野, 同睇左雨衣(無買).
傍晚比左3oz 奶佢, 晚上比9oz奶佢飲
和~~~
第3戰
同爸爸出街買波波前飲水, 唔肯飲....
係咁ler , 最後飲左.
小勝
第4戰
早上起床, 飲完奶叫飲水
唔飲. 喊, 無理佢, 自己瞓番.
話佢知唔飲, 所有液體今日都唔好飲!
去到阿嫲度話比阿嫲知.
阿嫲即問:你飲唔飲水
我:如果再以後飲水好似要乞求佢咁，　你比佢飲啦！
係阿嫲度沖完涼,
阿嫲: 飲唔飲糖水
我:阿嫲, 今日湯同糖水, 佢都唔飲.
食完飯
阿嫲:飲唔飲糖水
我:佢唔飲.
(阿嫲真係唔死心, 係咁問.. 我細聲話佢知瞓完晏覺我會比佢飲)
阿爺:買左釣魚比你玩
我:你點同阿爺講?
兔:多謝阿爺
我:唔係. 問左
兔:問左媽媽先.
我l媽媽答阿爺. 阿爺乖先有. 你乖咩?\
兔:唔乖,
我:阿;爺收起佢.

瞓完覺
我:你口唔口渴?
嫲:講對唔住媽媽(但當時人未講阿嫲己遞ing 比隻兔!!!!)
我搶左杯野.
我:你望住我.
兔唔望.
我:望住我!(望左一眼.)
口唔口渴.
兔:口渴
嫲:快d 講對唔住媽媽.
兔:對唔住媽媽(唔望住我+鬼食泥, 平時d人乜都ｕｐ得出)
我:媽媽係邊?算啦，　唔好飲。　比你飲快快飲定慢慢飲？
兔:慢慢飲.
我: 唔好飲. 快快飲定慢慢飲？
兔:僈慢飲.
我: 唔好飲. 快快飲定慢慢飲？
兔: 快快飲. (唔望我)(當佢唔係真心, 想hea就會唔望人, 簡單講就係大話~)
唔止係飲水, 佢近來都有D 行為問題, 講過算數, 笑笑口, 你同佢講乜, 你未講佢就係咁好可愛地答係AR , 不論你問佢係唔係, 好唔好, 知唔知. 但係佢之前唔係咁嫁!總括就係無賴. 因此要認真對付呢D 曳人.
我:望住我.
兔:快快飲!
我:你以後要用杯飲水, 我比幾多你(一次1/4杯)你同我一次過飲曬佢.如果唔係你唔好飲喇!
兔:係ar . (又發作)
我:我話咩呀?
兔:自己用杯飲水.
我:仲要快快飲完~
勝~~~~~
呢2日都好合作. 希望飲水戰可以完啦. 但未來仲有好多場仗要打ar~~~
人人方法不同, 要睇番自己小朋友性格玩. 如果有個唔鍾意飲水既, 咁cher 法, 真係有可能更憎飲水.