香港C9 對美國C9 , 一切都關地方細既事.

可能你會話.. hei 外國既月光係圓d 既.
呢個係我小小既睇法.
外國個個有車, 香港唔係個個有車,
就算有車好多時都唔係去到買野地方門口.
美國揸去買餸泊到門口攞住d野行２步就到，　最多推駕超市車去你駕車.(free parking)
美國可一次買一星期餸, 香港你個雪雪櫃鬼有咁大放成個星期餸.

美國廚房夠大放洗碗碟機.
香港無.

美國有位放乾衣機.
(咁香港都有好多人有既)
但係我唔係咁捨得放d衫去乾(好易舊)
之但係乾衣就慳左晾衫時間.

美國有位放大衣櫃所以衫都掛不用摺慳好多時間.

其實係我自己唔好, 買屋裝修時唔做多d 櫃.. 2個人時就住得好舒服, d野好多位放, 間屋又闊又大, 當4個人就爆左, 唔夠位放野, d 衫放到成個sofa 都係.... 救命呀.

點解會諗呢d 傻野? 事源去完旅行, 見到人地屋大. 回到家一屋臭衫, 99整到腳, 媽咪去歐遊,帶住25磅多既肥妹買餸, 上playgroup 又衝番屋企煮餸,於是灰到暈亂諗野.

算我地有樣野係平過美國... 就係人工, 所以可以請鍾點. 努力呀香港人!