請聽我讀

開學一個月,HAPPY SCHOOL都有 野做嫁.
一年共17次分5 期, 比本書/咭你讀比人聽.,跟住叫聽既人簽名, 一次要集25個-34個.
如meet 到一期既target 就會有送一個獎章比小朋友.

學校有閱讀大使,家長輪流on duty聽小朋友讀, 小朋友亦可搵親戚, 朋友, 街坊,父老,叔伯,兄弟讀.
我地盡量唔番學校讀, 因學校裡面大家都好似例行公事咁, 出街/ 搵親戚就唔同,
大家都唔知佢做d 乜, 所以佢要先介紹自己要做功課, 個功課係讀書比人聽,人地聽完就要幫佢簽個名, 佢又要同人say thank you , 通常其他街外唔係學校既人都會同佢傾2 句,
成個過程佢要開聲叫人幫, 要解釋自己做乜, 又要人地幫佢做乜, 同埋要有禮貌唔該人, 仲要同人social 下, 同係學校大家知大家做乜, read and run 好唔同.但唔夠數既時候都會番學校做夠佢, 而且d 小朋友好鍾意佢地老師嫁,所以老師係必讀.
當然,唔可以一開始就向難度挑戰,嚇驚左佢仲死.
先同爸爸媽媽讀, 再同阿爺阿嫲, 跟住街坊, 附近商舖, 上個星期兔向陌生人挑戰!等位食飯,讀比一對情侶聽, 媽媽都覺得兔好勇敢呀!
同其他人讀, 大家都會有唔同反應例如: 聽唔清楚, 會叫兔讀大聲d / 或者重覆, 有老人家會同兔話唔識英文, 可否解釋下兔讀乜?兔都好努力一一解釋....
最好笑係契媽話自己唔識英文兔唔信, 唔解. 契媽亦唔簽.
媽媽: 你有責任令人明白, 你試下解.
解到唔清唔楚.
最後媽媽比左少少tips 比兔.
兔好似鬼佬唱大戲咁由英變中, 用番同一節奏用中文讀比契媽聽.
契媽就幫兔簽左.
兔亦明白唔同人有唔同標準, 唔係人人都咁易比佢過骨嫁!
讀左咁多次兔真係認得d 字, 係其他書遇上朗讀字咭上既字佢真係認得出,所以呢,學校呢個計劃真係好有用.學校無正式教兔一隻字, 但就籨計劃中學左字,同埋和人相處及應對技巧.

 我地facebook page.

https://www.facebook.com/beatrixetcerian