之前小兔唔係咁肯張開口比媽媽擦牙, 自從媽媽早前去洗牙, 帶埋小兔去, 番到屋企媽媽扮牙醫, 爸爸扮張自動椅, 屋企書枱燈扮牙齒盞燈,咁小兔就開始肯擦牙.
唔張開口尤自可, 一張開口, 我見到佢D牙有黑點!!
所以就BOOK 左牙醫檢查下牙齒+洗牙.
事前有再播U TUBE 小朋友洗牙片比佢睇, 同埋提佢會有D吱吱聲嫁,好高音,叫佢記得冷靜.
去到牙醫到E生先叫小兔瞓上牙醫自動椅度, 比鏡佢睇(我地係至企玩過無數咁多次), 小兔好開心.
話佢知你有D黑色點點.
媽媽:醫生其實點解會有D黑點。
醫生:牙紋深既人就易有
(即係依爸爸啦!因為E生都有同爸爸講過呢個問題)
醫生攞起一支吸管, 攞左杯水吸比小兔睇, 話佢知呢支管會吸水.
再攞起支高壓水槍, 話小兔知會噴水.
然後攞起支野話佢知係牙擦.
小兔點頭, 跟住就開始...
阿小朋友呢唔係咁識咬住支吸管, 有時又頂左條脷出來, 不過都算OK 既
但到後期就有少少緊張, 我見到佢WEAR 面,(開始有果D 高音支支聲, 爸爸都有話果D 支支聲係直接傳到頭骨, 其實好辛苦嫁) 有少少想喊.. 但佢都忍住, 我走去捉住佢手, 話佢知好快.
E生同佢加牙膏擦, 佢話牙膏好咸.
E生話:薄荷來喎, 應該涼至係喎
最後都可以完成 . 媽媽覺得小兔好叻好勇敢！
沒有留言:
張貼留言
http://blog.yahoo.com/beatrixchoi/articles/page/1
各位回來啊~~~~