見到個Schedule 就暈, download form日子,開始交表日子, 截止日, 參觀日, 面試日....
好多日子要記, 而且仲要咁多間.....
其中面試日期, 同時間當然係最重要啦!
11月3日.. 真係好日, victoria, 寶血, 高主教, 玫瑰崗, 民生,呂郭碧鳳 都係呢日!
其中玫瑰崗有2 日in 分別係11月3日同11月10日
係報名呢件事件中, 考既係母親人際關係,大家互相收風, 問朋友,.
仲有考面皮既厚度.. 有媽媽輸流打去問. 參觀完幫人問, 揸車去學校門口問剛交form 既人.
今日未到你心儀既時間.. 咁明日呢, 定後日去. 又考你既決斷力. 因為唔係日日都咁多人去.
又要估, 通常第1日最多人去交, 最緊張最想入果間學校既通常果日有比較多人仆到去, 第1交左安心d , 第2早上見小朋友表現都好d .
跟住一日比一日少, 又要計一日大約有幾多人交. 間學校一個slot in幾多人...
仲有如交表時間橫跨周未的話, 呢個又係一個交表既高峄期~
上回講到我地極速報左靈糧堂,(頭10 個, 仲要12點正係網上係咁refresh!)
之後收到靈糧堂第2 期通知會係11月9同10 日in 當然開心(只通知係呢2日, 但未有安排時間), 因咁早報多數係第1日in 啦!星期5 太好了(因為人地間間都星期6 , 一定唔會撞期.
收到第3期通知我地見11月9日最早! 8:30 (又好似早左少少)不過好在我地近, 行都行到去!
interview 時間夠早爸爸又係晏番工既, 所以不用請假都可以去in ~
至於民生我地報果時係唔知邊日in, 亦都唔係第1日交, 但收到信11月3日8:55 in!(我諗我地唔會去喇, 亦去唔到)同寶血撞時間
真光我地係寄信去既因佢話要郵寄, 所以就算好近我地都無親身去交, 11月17日14:00
寶血係我地top 3 , 知道佢係親身交form+ 即攞接見証(即早交早in啦).... 所以第1日交form 就去左,11月3日 早上9:30 in
高主教想in 飯前/ 飯後d 時間, 因小兔15:00才nap ~
老公表妹交完寶血(寶血第一日收form 既日子)再交高主教(高主教早寶血2日開始收form, 又係即比interview 時間)依嫁派到11:30
所以我打第2日中午,叫爸爸交form.
最後係收表既第4日中午交form in 11月3日14:00
為左唔同其他撞埋一堆玫瑰崗我地打算晏d交, 希望博到11月10日in .....
玫瑰崗只得一日交form, 到佢學校又只得一條路, 無公共交通工具到, 變左一定要揸車/ 坐的士!
塞車就塞到傻!似造勢大會多d. N夾K交. 3千又除番2 咪得果千零人....
因佢有2 日interview。我地唔想又撞期11點多至去.. (有媽媽勸我地唔好同小兔去, 要等成2小時果度又全戶外會曬死!)
好在無去最後爸爸一個人去10:30 坐的士去, 係呢間學校既窄路上塞塞塞!!!11點3至入到個門口, 最後玩到3點!
最後我地既時間係... 11月10日, 11:30 , 無同其他interview 撞, 仲可以食完早餐再上去, 係一個不錯既時間
加上各方既d bad comments.. 相信呢間真係後備之選
後來同爸爸傾開原來呢間咁既學校無叫人比回郵信封佢,但係即場要人再比錢買!!!收10蚊比個雞皮袋過你!!!吓!!!爸爸話就咁將d資料全放全個大信封度~
咁佢收左你10蚊之後又recycle d信封, 又收多3萬蚊!(3千個application !)
有媽媽問... 咁st paul都係一日交表, 都係3千人, 但係人地係銅鑼灣交通方便,唔對路我any time 都可以掉頭走, 肚餓可以買到野食, 行個街都仲得. 而且st paul 至少不用戶外乾煎先啦~
last 2 聖瑪加利大!要親身交表攞接見証.其賓攞接見証好嫁, 等d住得遠既家長感受下同佢至企既距離, 來多幾次等佢感受下, 如果自己都受唔住就不如讀番近近地算.
咁細我真係唔主張去太遠地方讀書. 所以好多人叫我去考中區既學校, 我係完全唔會諗, 事關塞車塞上山都塞死!
因為上一個星期報完玫瑰崗好驚又排長龍,佢既form 係24日有得dlownlaod, 24日報名, 唔想去到至排隊攞完form 曬住填表雞手鴨腳.(屋企printer 壞左好耐喇)
於是叫爸爸一早回公司print.....
結 果係.... 完全唔使排, 去到直入個大hall, 有冷氣, 有位坐, 比埋筆你慢慢填. 媽媽知要貼相係接見証度, 連賿水都帶埋.聖大交表人不多,但幫手既人多, 一入去就即貼左個appliaction no 係我地張表度, 跟住係張相背面再貼張雙面膠紙, 已到我地喇.對一對正本, 5分鐘走得!而聖大係少有地可以揀時間!(除左佢我地報高主教都可向後素晏少少)
報名既人數, 睇來仲少過寶血, 第1日9點半右到(寶血晏少少, 但佢收到2 星期表), 而聖大仲要收得3日表, 寶血我也係一日多, 而聖大只係75!
我諗係同佢無小學+今年退出學卷有關. 咁就好喇少d 人爭!而且媽媽好期待佢地無學卷會多d 英文課.
呢次我地in11月24日 9:15 要報既只差st paul.. 同日無撞其他interview 而且早上in 精神好, 呢個時間不錯呀!
原來聖大交表係交5日, 但係佢既FORM 只係派3日(頭3日) 學校真係好認真去到都唔派FORM 亦無得再Download 呢~~
所以報名前所有terms 大家都要刨清楚呢!!!!
媽媽top3 係st paul , 聖瑪加利大, 寶血, 頭2間都好多人報!聽聞寶都有2千人報!(報完發現寶血多個聖大暗自歡喜,因唔打算升寶小所以聖大同寶幼都係一樣啦)
(聖大派位靚d， 雖然抽獎唔關事但係識多ｄ志同道合都好.. 而且媽媽同爸爸己
真光又2千
仲有一樣野係佢地比一個時間你一查實呢有學校叫你早10 分鍾到, 又有學校叫你早15分鍾到, 有間叫你早30 分鍾到tim !!!
所以原來呢樣都要計埋, 唔好預到咁tigh!通常學校話由入去到你走得係90min, 佢地通常除左interview仲會有少少簡, 行下學校, 少少答間時間.
真係幾點入幾點出... in 完話過大家知
寶血:早10分鍾到
民生:NA
玫瑰崗:NA
真光:早30分鍾到
聖瑪加利 大:NA
靈糧堂:早15分鍾到
攪到媽媽好擔心~~~~
寶血係3間中最早考, 同時又係最早放result 既...,所以如果咁咁好彩收左top 3之後既學校我地都唔會去考喇.
第1走來走去都煩啦. 第2 考來唔讀咁做乜考喎. 唔收都好地地, 收左攪到學校做更多admin 工作, 又間接令到真正心儀果間學校既家長等waiting 就唔好啦.
我 都有同小兔講, 要考多過一間幼稚園(仲有一d 試前心理準備, 之後會文章提及), 因為老師要睇下邊d小朋友夠乖至收. 因為唔同番playgroup, 幼稚園一個老師要照顧多d 小朋友, 如果收左個個都係唔乖既咁老師睇唔到佢地嫁!但係就算老師唔收都唔等於你唔乖, 因為間間學校報既小朋友唔同, 而且好既學校會多d 小朋友報,相對就會有多d 乖既小朋友報. 咁有可能相比下有更多更乖既小朋友想讀呢間學校, 所以就收唔到你喇 ^^.
但係又有可能多過一間收你, 但係你只可以讀一間. 因為無咁多時間. 我地日日都番同一間. 唔同playgroup 日日番唔同既~
竇血我地9:30 no 係11x. 我地媽媽們估, 30 min 一個slot, 因交表撞到一個媽媽朋友佢係9:00 , 一個hr in 200 個, 一日就有1800 個~~~
而真光我地in 15:00 排到18xx 咁佢都有2千多喎~
如何脫穎而出呢?
唯有灣翁撒網~
只要我地心儀既收就可... 唔使多嫁.... 我地只怕無書讀~~~~
寫得比較亂因為前前後後交完表就寫少少希望各位睇得明~
沒有留言:
張貼留言
http://blog.yahoo.com/beatrixchoi/articles/page/1
各位回來啊~~~~