2012年3月9日星期五

2012生日

2012年3月9日上午12:07公開累積瀏覽 133 1

謝謝阿嫲睇住小兔爸爸媽媽至可以拍下拖, 吸收左結婚周年既教訓, 難得可以拍拖, 真係要認真plan 一plan!
媽媽一早就問左識飲識食既jocelyn媽媽, book 左位食晚飯.
再係前幾日開始睇下有咩戲好睇(唔好再行山行到腳抽根!)
同埋早前睇新聞話謝記做到3 月尾,於是又走下去.

第一站謝記, 未到食飯時間, 12 點都好多人排, 你知啦一, 香港人個個都鍾意趁熱鬧.
其實都唔係食過好多次, 成日拜完山都同婆婆講我要食謝記. 但係佢成日話貴, 唔抵食唔肯去!

記憶總係甜美, 我記得樣樣野都係好熱, 又好好味嫁!
點解今次食完全唔係果樣野既???
炸雲舌.. 凍既
炸魚片, 個番好厚好硬呀~~~~~
係個魚皮ok , 但都唔係以前咁熱既??
其實係咪我加左太多個人幻想係記憶度?

去ifc 睇戲, 因為想食我最愛最肥既POPCORN，　但係呢個唔係戲院popcorn 所以要偷運入去呀!
買左cheese + caramel , 又鹹又甜好後悔呀~~
2個人(其實只係我一個食)食最細己好好好飽...
食完仲比d 芝士染到成手黃色......
The Artist係黑白無對白. 但係唔悶... 仲好好睇. 男主角真係一流!
個女主角呢... d表情唔得。。。。　因為佢係彷舊片黑白又無聲, 唔係sell 場面同背景, focus on d 人度, 就會好留意主角既表情..
阿女主角個咀.. 真係好歪.. 令到個畫面好唔靚.
其實自古既靚都係對稱ma~

d衫真係靚絶,係erte(一個出色既illustrator，　唔肯畫出設計師既衫，　仲會帶讀者進入佢既幻想世界）筆下既fancy 靚衫.

跟住就周度行囉, 都係買女衫~~~
同埋買左條童裝既褲比自己.. (因為online唔敢博ma)