靈糧堂幼稚園

• 幼稚園

 

2012年11月9日下午6:26公開累積瀏覽 624 2

丑今日去靈糧堂INTERVIEW..
同睇相一樣, 學校真係好靚, 成間playgroup咁!
所有野都好新. 我望到toilet 放左小兔最鍾意既鴨仔. 總之所有地方都有佈置過。　
入門口交左接見信，　跟住就係心口貼左個大貼紙。　
一開始入左等候室玩玩具，　媽媽比小兔自己玩，小兔攞左磁石版同字母玩左好耐. 媽媽同爸爸就坐埋一邊睇小兔玩,有老師行埋小兔度講左d 野,但唔知老師同小兔邁d乜, 小兔答左佢, 個老師就行開左....
小兔玩完再玩第2 樣.. 怇快狠準咁搶左人地既玩具. 媽媽馬上捉住玩具, 細細聲係佢耳邊話.. 唔可以搶玩具, 你記唔記得?（之前在家ｂｒｉｅｆ過佢唔可以搶玩具, 尤其係學校, 其實佢一向都有呢個問題, 媽媽亦話過佢好多次... 但係呢個人仔都係唔記得, 最後媽媽見考期將至用左目標為本法... 學校唔可以搶玩具, 老師最唔鍾意小朋友搶玩具, 你搶玩具唔乖,老師可能會唔比你番佢間學校嫁!我要係度講,呢個真係最差既教仔方法.)
再用正常聲同佢講: 唔該你放手啦!(佢明顯get 到!)
放左手.
我見到佢地同小朋友玩mind map係班房貼左佢地做完活動既mind map( 真係好外國既教育方法呢!)
不過我諗呢間學校既setting 真係全年開冷氣,唔會開窗.
跟住我地就排隊上樓.
係課室玩玩具,有4個角, 有4 樣不同玩具,
有火車, 山loune，　煮飯仔，同砌圖。　小兔一入去就去左砌圖，　好在咋，　去左煮飯一定賴死唔走!!!!
砌型水果版, 問下係咩水果...
跟住就玩入型狀盒.. 老師問小兔型狀.. 呢個人竟然同英文答!!!!老師仲問埋顏色.
但係平時正常既佢, 人地用中文問.. 佢係會用中文答嫁!!!!
我諗係因之前阿爺有問過XX 英文係乜?
(因平時就算用中文問你英文名叫咩名小兔都唔會答嫁, 只有問What is your name 先答 i am beatrix)
因有人62先生話過我知小兔英文好過堂姐, 我問佢點解咁講?
佢話有日堂姐同小兔一齊佢問過小兔同堂姐型狀既英文....
(跟住我叫阿爺唔好係小朋友面前比較.. 尤其姐姐大咁多, 一定會唔開心既)
小兔係入型狀表現到佢既耐性同智慧(希望老師見到)
佢先睇左自己有咩型, 再睇個盒有咩型.. 唔啱再轉第2 邊, 見到果個面有啱既先入入去...
當中半圓同月型係好似.. 小兔有入錯, 但小兔都係咁做, 入唔到再係咁高速轉到有月/ 半圓型入try.
老師想提佢, 但佢拒絶, 而且好有耐性. 老師叫佢比其中一個黃色既比媽媽, 小兔比左.. 如是者係咁入, 入左幾個再見到黃色...
小兔又比媽媽.. 老師問:e 你又比媽媽既?
小兔：黃色比媽媽ma!
老師諗左3 秒, 打左個突. 再笑. :係喎正話老師話黃色都比媽媽!
我地係最後走既.. 見到老師好努力mark 分.不過個人覺得校長section 最重要 ~

到校長section. 小朋友圍圈坐,
等左一輸校長先到, 係等既時間好多小朋友都坐唔定, 係小兔呢個人仔, 叫人坐好囉...
校長好似評判咁對住小朋友, 校長前有個老師坐係度講故仔同唱歌. 但係個故仔我自己覺得都唔係咁易比到反應,
由於我係坐係小兔後面, 所以見唔到小兔既表情, 但有媽媽朋友見到小兔既樣係有笑既(因佢個故係係唔明到我見大家都呆了... )
同埋唱歌有拍下掌同做小小動作...
老師係個故仔度有提及過腸仔同薯條,媽媽幾驚兔會叫, 腸仔同薯條小朋友唔食得...
最後校長同副校長逐個叫名叫D 小朋友埋去, 芠送咭仔比佢地.. 有3 張放係枱度
校長叫小兔攞一張, 小兔望一望媽媽. 媽媽話你可以攞, 攞一張啦!
因為平時媽媽教小兔唔可以貪心, 唔淮周街攞人地D 野, 要媽媽比佢至可以攞.
咁小兔至揀左一張走
聽說靈糧堂係happy school , 文靜小姐都不一定有機會..
但我地妹夫家姐個女都係淡定型.. 學校有收佢個女, 加上校長睇上都係個嚴肅型既人...希望收啦!
小兔有叫譚校長,
校長問佢鍾唔鍾意學校.. 想唔想番呢度, 小兔都答想!但係就細聲囉!

學校都有派一本小冊子比我地
不過美中不足係無Q & A , 唔可以了解多少少學校...
因佢剛退出學卷, 係教育處個WEB 見到佢地收少左成60人, 相信佢地一定係各方面都有好多革新, 真好想了解多少少.

• 靈糧堂