• 家庭生活,
• 旅遊

驚喜澳門遊---- CONRAD

2012年8月6日下午4:00公開累積瀏覽 973 5

比左hkd1099一位, 包早餐, 包船飛, 一間房有500 蚊消貴劵,可以係金沙城同威尼斯人買野/ 食野.
一入間房... 真係吓左一聲!



好多酒店都包咖啡茶... 但係佢有咖啡機.仲包送支奶比過你沖啡. 飲左一杯decaf.. 好香喎~



有廳有房之外, 仲有電視房,可惜呢度無人睇電視嫁喎~~~~



呢個浴缸好偉大, 平時小兔唔鍾意係浴缸沖涼嫁, 玩完就好鍾意.


papabubble 既糖... 佢真係好生意, 近來真係周圍都見到佢, 熊熊好慘, 好快就比小兔整斷隻腳仔... (最後要姨婆幫手整番)
同埋骰仔鴨.




















好多年前同公司來澳門第一時間就來呢間食. 都好好味嫁, 唔知點解呢? 香港好多茶記沖杯好立克都好求其. 係咁pat 堆粉入去一舊舊咁浮係面...
呢間唔止好滑, 而且仲加左少少鍊奶, 好味!据爸爸話咖啡都好飲!

多士同裡面既餐肉都好薄, 不過好配合, 又香又脆. 至於呢個豬排飽, 我地分左d 飽比小兔, 食唔真個味.
食呢個之前我地仲食左魚緬甸魚粉湯, 之不過... 佢真係唔夠係銅鑼灣已執笠果間咁好食...

香島咖啡室 Heong Tou Cafe

地址 :

新橋(三盞燈/白鴿巢)亞利鴉架街2號地下

電話 : (853) 2821 1434

類別 :

咖啡茶室、粉麵/米線

營業時間

：

星期一至日:07:00-17:30

其實今次都唔係好多行程, 好少出戶外, 因為真係太過熱!
我地去左呢個蝴蝶館, 好似以前香港都有蝴蝶屋(係咪海洋公園??)
呢個係美高梅入面一個小小既臨時展覽, 雖然;;蝴蝶館個波波只係我個廳咁大.
但係就有好多蝴蝶, 而且....

真係好大隻, 摺埋都有手掌心咁大. 一入館有D 橙色既汁從天而降,
我問爸爸:蝴蝶會VIVI 嗎?
爸爸:點會嫁?
媽媽:咁呢D係咩來。。。　
後來發現蝴蝶食物係橙汁, 手臂有橙汁,所以就有隻蝴蝶痴住係手臂.... 唔肯走....


小兔好好奇, 又有少少驚... 工作人員叫佢伸隻手出來等蝴蝶飛上佢手, 佢唔肯.


出左個圓波波有個小房睇到蝴蝶既孵化過程.


跟住就去左義順食雙皮奶, 之前係正義事庭果間無左, 要行到文化會館對面至有.

義順鮮奶

地址 :

新馬路新馬路381號

電話 : (853) 2837 3104

類別 :

粵菜 (廣東)

消費 : $40以下

營業時間

：

星期一至五:11:00-21:00 星期六:11:00-23:00 星期日:11:00-21:00

然後就去左食豆腐花. 不過唔係咁香,都唔算滑 一般.
我諗佢自己都知自己無豆味所以佢既糖係加薑味囉~
如果加奶係加花奶..

李康記豆腐花

地址 :

新馬路新埗頭街19號D地下

電話 : (853) 2892 0598

類別 :

小食/熟食店、甜品/糖水

消費 : $40以下49 vs 6

營業時間

：

星期一至日:07:30-18:30

營業時間其它資料：

每月1日及15日休息

跟住去食椰子雪糕... 呢間係小街度, 不易去呢. 但係真係好味喎!要行過果欄至到, 行過一間士多, 叫公主士多..

小兔真係好乖,一開始同佢講請佢食隻皮奶.同埋豆花, 跟住我地去食椰子雪糕. 但係佢咳唔可以食.. 佢都好好有問過一次,
但係我地話唔食得, 佢就好可憐咁望住我地但都無再扭食~
店主好好人呢, 佢地其實個格局唔係堂食, 但都請我地入去坐低食.

洪馨椰子 Hong Heng Cocos

地址 :

新馬路果欄街14號地下

電話 : (853) 2892 0944

類別 :

粵菜 (廣東)、甜品/糖水、雪糕/乳酪

消費 : $40以下

營業時間

：

星期一至日: 09:00-13:00, 14:30-19:00

食完就番左酒店游水, 然後用左果MOP500蚊現金劵食左餐唔係咁好味既晚餐.

抱埋熊熊出去食飯, 睇下真係如珠如寶咁(但係轉頭2隻腳都斷左, 其實佢都算斯文果隻, 呢隻熊手工真係爭D...
經過VICTORIA SECERT ... 真係唔知佢開來做乜, 只係得D 沖涼野, 香水, BRA又無衫又無得少少內褲, 而且貴過美國買好多好多~~~

食完飯見到呢個水波投射隧道, 疾走左好多轉.


係威尼斯果條河度見到貢多拉船既人唱歌, 小兔睇到定左, 番到香港睇D旅遊雜誌.見到威呢斯人貢多拉船既相, 小兔話澳門呀!....
呢條假河竟然變左澳門地標呀陰功!


望落去賭場有拉丁舞表演. 係咪覺得小兔全程既相都唔係點笑呢?!因為我地影既都係佢見到新野果一刻..
佢一見到新奇野頭果一分鍾都唔曉笑嫁, 只有有個諗樣.. processs~~~ process~~~完至會比反應.


真係辛苦爸爸, 呢個人仔全程都叫爸爸抱佢..
自己唔係咁肯行囉~~~
個樣好得戚呀!











個早餐好多款式, 但係好多人去食.. 原來conrad 同holiday inn 都係去呢間餐廳度食, 排曬長龍. 好在conrad有express line。　
今日都唔係做左好多野只係食左木糠蛋糕同埋去playroom玩完就走LU~

撞啱噴水池表演時間, 睇得好開心呢~~

味道一般到呢, 招呼更加唔好提..

威尼斯人內既PLAYHOUSE。。。　個波波池既波少到嚇死人!
好多強國不受控既小孩亂撞, 外國靚仔係狂, 但係佢地有廉恥. 通常你望下佢佢都會收歛,
但係強國小孩呢... 你望佢, 佢個樣係我係咁嫁.. 吹咩.
我吹你唔賬,只係想話你知個波波池好少波, 你用個背落先好危險遮....
轉個頭咪整到狂喊左15min 有多. 跟住佢阿媽話係間野有問題. 係間野有問題, 但係你自己都無睇好個仔, 佢個樣整到, 佢當時根本唔在場, 唔知走左去邊...
佢個仔我諗都係4歲左右.. 未係可以自己自由活動既年紀囉~

最後食左個fat burger , 香港間fat burger 裝修時間仲要過佢開業時間, 裝左半年, 開得果幾個月就執笠....
但係係澳門呢個burger 同我地係香港食就差天共地喇!
唔同級數, 唔講都唔知係同一間店既出品...

• 澳門 2012