報名喇!要準備D乜??

• 學習,
• 育兒,
• 幼稚園

2012年8月23日下午7:48公開累積瀏覽 456 3

開始有學校要交報名表, 唔係好多咁好可以網上申請, 其他既要寄/ 親身交.... 我地報既都近屋企, 所以都會親身交, 好似安心D .

交表要有準備D乜?
基本就係print 報名表.
1)print 完睇下佢份表填中文定英文好.
有好多傳統學校都係用全中文問嫁eg 真光, 合一堂呢d .
咁當然係填中文.
有d佢既格式你會覺得填英文....
要諗一諗至好填呀!
報名表要貼張相
跟住就係睇下佢要你仲要交d乜比佢。　

2)出世紙copy一張.

3)回郵信封基本2個(一個通知你面試, 另一個通知收你), 寫自己地址, 記得寫埋學校既回郵萬一寄唔到去自己地址都可退回學校.
同埋寫左地址同校名, 一收信封就知邊間學校寄來.
(有d會問攞4個)其實我有d 好奇佢點用到4個????
原來大家都會寫小朋友名做收信人, 因為就算學校攪亂左D 資料同信封都可以搵得番, 但係小朋友點會收信, 於是就寫小兔家長收.
仲有媽咪話寫商業地址會收早半日, 所以寫公司地址.. 但係我都係寫番屋企地址...

4) 可能extra 問多要一張相(背面要寫名同埋申請年度同埋班級, tel no , 如佢唔見左都可以打番比你)
但係要好好好細力寫,因為相紙好易過底嫁!

5)有學校問攞針咭?????(其實係咪想查探我地係邊間醫院出世呢??)

6)報名費

所以一次過去左影出世紙
買左埋郵票
信封,
信封如果係郵寄既我發現除左買平時既長信封做回郵外, 買番個高長信封2分, 有又少少風琴既信封寄會好d , 入到d 文件, 又唔會阻學校定....
如果我係學校收到堆雞皮大公文袋我會覺得好討厭呢~~~
同埋申請番一本支票薄安全, 如果寫寫下至發現無就煩!
相就等下星期影多次~(因病完瘦左, 又面青青~~

可能問使唔使影咁多報咁多?
我地無N back up，　加上大家差不多時間in , 可能會撞期, 所以要報多d，睇左interview 時間再決定in 邊間.
好在有間我地幾鍾意既早in 快公報result, 如果收左我地,我地好多間都唔使in lu, (果間仲要係媽媽細個讀過, 希望收啦),當然最想入果間收就更好!
如果呢間收好處係好近阿嫲, 放學去阿嫲度食飯，一個星期1-2日, 上一堂playgroup, ,跟住番阿嫲度瞓覺. 然後食dinner , perfect!阿爺接送, 媽媽同咕c 在家休息一下
揰啱咕c差不多出世，　我地都唔想走來走去。　
其實多唔多offer 都唔重要, 因為一個人只能讀一間既遮... 只要心儀果間收就夠喇!　
但係有人話我知考16間得一間收....

• 報名