飲糖水

• 懷孕

2012年8月29日下午5:46公開累積瀏覽 419 0

今日一早去左飲糖水...
d人成日話好難飲, 又話飲完全嘔又話會暈.....
小兔果時我係去化驗所飲只係覺得好悶.. 個阿姐仲叫我悶就落街行下Sogo啦!

今次係養和飲,...
係forum 又聽到人話好辛苦...
我又諗.. 係我失憶.?.. 真係咁難飲?..
唔係!趁我記得我一定要記低佢.
一早約8點半去到養和既抽血部.
抽左血再飲. 果杯野好似細啤酒咁大杯.. 有少少蛋白味既甜水囉..
我諗我3分鍾飲完.
之前果晚係婆婆度食粥唔係食飯, 己有少少肚餓..
飲完唔餓, 仲舒服左.
今次抽血既小姐手勢好, 如果又係上次果個就死, 抽完瘀左, 加痛半小時!~!!! 真係今生難忘, 手勢最差!
等到診所開門報到, 量左血壓再磅重..
再去抽左次血.今次係個男仔雖然有抽到少少血係入面一但未至於瘀, 同埋只係抽果下痛.
跟住同小兔睇bb (今日爸爸放假,晏少少同小兔來睇bb, 睇笎帶小兔過阿嫲度係跑馬地.. 小兔今日同哥哥去尖沙咀太空館喎)
第3 次又係果位熟手小姐抽
我有問過抽血小姐, 佢話政府同私家/ 化驗所都係飲葡萄糖水嫁喎.
佢我底溶唔曬,我仲叫佢加多少少水溶埋佢tim

睇完醫生出左銅鑼灣同爸爸行誠品, 爸爸第一次去...
跟住行埋hollister, 媽媽真係年紀大, 入到去睇唔清楚d衫, 音樂好大聲, 好暗. (我覺得izzue 已極暗. 點知佢仲暗)
暗到要搵個射燈照蛋咁睇衫... 落d 咁款... 好難客觀作出購物決定喎. 如果減價其實買佢果d 抓毛套裝係屋企著都好既...

跟住再去商務買書.. 最後去食日本燒肉!!!!

hkd160/set (不包烏冬)
其實佢80蚊果d set 都好ok, 不過媽媽好日都無得食當然豪少少!
肉間肥間瘦又多汁~烏冬就un 左少少... 作為跟餐雪糕, 呢個都算好好味嫁喇~
但見到佢有個early bird dinner set 好抵食!
mon- thur 18:00-20:00 2 位只係hkd430
野食係呢度3
倍, 有好多肉, 菜仲有個燒餅!!!!成10 個items...
如果有時間, 真係好~~
http://www.openrice.com/restaurant/commentdetail.htm?commentid=2151480
呢個就係個hkd430 餐!
其實比番d質素，同價錢，　盛八真係同佢爭好遠。。　果間咁既牛角直頭應該係呢個世上消失! e呂波一直都係媽媽最愛!

伊呂波燒肉 Iroha

地址 :

銅鑼灣渣甸街50號渣甸中心2樓

電話 : 2882 9877

類別 :

日本菜、燒烤

消費 : $151-$300

營業時間

：

星期一至日: 12:00-15:00,18:00-00:00

• 伊呂波燒肉